Ifisus 1:22 - Udél Dwata: Gna Kesfasad ne Lomi Kesfasad

²² Deng gotu hkamal Dwata ke Krays yóm kentihen. Ne du nmò Dwata mò hol gónó mogot yóm kdéen yó kem tau hemtahu béléen.

Ifisus 1:22 Referans Kwoze

Kulasi 1:18

Bud du se hol kulu yó kem tau hemtahu béléen, ne lu henged lówóhen. Bud du se hlowil kul, abay se du yóm hol tekang mowil là buden matay. Yó gónóm mon, du se yóm hol geta bè kdéen.

Kulasi 2:10

Ne bélê ye se kuy, lemwót bè yóm deng kessotu ye bè Krays gónó ye gbót ne bè yóm klowilen yó. Du se hol geta senta yó kem kdéen mtulus deng wen nogot le te tonok ne wen kwalis le.

Hibru 2:8

ne tódô gotu hkemem kul kdéen.” Bè yóm kehkem Dwata du yó kem tau yóm kdéen, laen kô dù bud tebel du. Bede là tagad ton tekuy du he yóm kehkemen du kul ni kmoen ni.

Kulasi 2:19

Là kô le mogot bè Krays, igoen du yóm hol kulu yóm kdê tekuy deng mò henged lówóhen. Lemwót bè yóm kalaken tekuy, gónóhen tilob kesgayun te, ne baling tekuy gulit, lan te lemolò yóm kun kóyô Dwata.

Ifisus 5:23

Kaem yóm logi, du se kulu yóm tuha libunen. Lómón ke Krays, du se fen kulu yó kem hemtahu béléen, yó kem tau mò lówóhen, ne du se fen lemwà kul gu lem hatay.

1 Kurin 11:3

Okóm ni wen hentukulu bélê ye. Yóm gónó le kmulu yó kem logi, duhen Krays. Yóm kul gónó kmulu yó kem libun, duhen bè kem tuha logi le. Ne yóm gónó Krays kmulu, duhen Dwata.

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

Ifisus 3:21

Yake hol megdóyón dé Dwata lemwót bélê tekuy kem tau hemtahu béléen, ne bud megdóyón snéen lemwót bè Krays Jisas. Yóm kegdóyónen yó, yake béen abay wen sónen.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

1 Timuti 3:15

Okóm ke tolo wen anggau, syan dé deng wen sulatu eles gónóm temngón du yóm mò kmò yó kem tau fes lówó Dwata, duhen yó kem tau deng hemtahu béléen, yóm Dwata laen tul katayen. Hol lómón ke tekuy se yó kem hehek bè gónóen ne kem suguken, tekuy se gónó Dwata smalig du yóm ktahuhen.

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Kem Lingón 91:13

Angat gotu ndaem lu elaan yó kem liyun ne yó kem ulal, balù nô klóbô yó kem liyun, ne balù nô kalas yó kem ulal.

Kulasi 1:8

Deng tulónen kum yóm tey kesbong nawa deng blayen kuy yóm Tulus Dwata.

Kem Lingón 110:1

Yó udél Dwata bè yóm gónóhu mogot, monen, “Myóni bè ni bè kwananu efet gotu heglaanu lu bè soluhem yó kem hohonem, lómón ke nmou lu mò gónóm hmótól tihem.”