Ifisus 1:19 - Udél Dwata: Gna Kesfasad ne Lomi Kesfasad

¹⁹ ne yóm alì kegbeken tmóbóng tekuy kem tau hemtahu béléen. Nim kegbek Dwata tmóbóng tekuy ni, ni se yóm tehe hol kegbeken

Ifisus 1:19 Referans Kwoze

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

Ifisus 3:20

Duhen yó, hol gel dóyón tekuy dé Dwata, lemwót bè yóm alì kegbeken bélê tekuy, tey bong he yóm kun kegbek tmóbóng tekuy senta yóm gel hni tekuy béléen, ne senta yóm gel hendem tekuy snéen.

Kulasi 2:12

Abay se bè tum tehe kehbabtays ye, lómón ke deng ye mung ke Krays bè yóm tehe kebeng le du. Ne bud bè tum tehe kehbabtays ye, lómón ke deng ye mung béléen snéen bè yóm tehe bud klowilen lemwót bè yóm kehtahu ye du yóm tey kegbek Dwata bè yóm tehe kehlowilen ke Krays gu lem hatay.

2 Kurin 4:7

Bélê me kum kem tau mit du nim Tulón Hyu ni, hol lómón ke kuleng tonok yóm klowil me, bede wen yóm alì mebtes nô lemen. Yó gónó Dwata hmingón du bè kuleng anì gfan yóm là kewóten bélê me yóm tey kfasangen yóm tulón nwit me, okóm tódô lemwót bè Dwata.

Kulasi 1:29

Hol hotuhu gelu mò du nim nmou ni hlanu bè yóm tey kegbek Krays béléu.

Ifisus 6:10

Ni se mò sónen yóm udélu ebélê ye. Hol hgel ye nawa ye lemwót bè yóm deng kessotu ye bè yóm gónó tekuy mogot, ne lemwót bè yóm tey kegbeken bélê ye.

Ifisus 3:7

Béléu do, deng henbaling Dwata ou sotu tóbóng lówóhen mò mit yóm Tulón Hyu. Lemwót bè yóm kenhulung blayen dou, yó gónón smigang du tahu yóm Tulón Hyu monu ni koni, hlanen bè yóm tey kfasangen béléu.

Ifisus 2:10

Yakà Dwata du yóm deng hmomi tekuy. Ne lemwót bè yóm deng kessotu tekuy ke Krays Jisas, deng henbalingen tekuy ne tau mò du yóm hyu. Ne yóm hyu gel nmò tekuy ni kmoen ni, deng tehe eles kem hendem Dwata ne ekni yóm kmò tekuy du.

Sulat Pol Ebè Yó Kem Tau Hemtahu Bè Rom 1:16

Nim Tulón Hyu gel nwitu ni, laen kô bang gónóhu myak heglalag du. Kaem bè yó se gónón gfan yóm kfasang Dwata lemwà kdéen tau gu lem hatay ke hemtahu le bè Jisas, lemwót bè yó kem tau Ju kkólen bè yó kem tau là Ju le.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

2 Tisalunika 1:11

Yó gónóm mon, tey gel kni me bélê ye bè Dwata. Yó hni me anì baling hol segtón yóm kuy kmò ebè yóm tehe kun kóyô Dwata bélê ye bè yóm tehe ktabahen kuy. Dwata he hol tmóbóng kuy lemwót bè kfasangen anì gmò ye yóm kehyu kmò gel nalu nawa ye, ne yóm hyu tô nmò ye lemwót bè yóm kehtahu ye.

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

1 Tisalunika 1:5

Abay se bè yóm tehe kwit me ebélê ye yóm Tulón Hyu, là kô olo udél tau du se yóm yó, okóm tódô gmung bè yóm udél me yóm kun kfasang yóm Tulus Dwata, ne tódô gnóm me se kum yóm hol ktahuhen yóm tulón nwit me yó. Ne deng ton ye snéen yóm kum kmò bè yóm tehe knô me bélê ye dyó, hono bè kuy kehyu nim nmò me ni.

2 Kurin 5:17

Ke deng ssotu bè Krays yóm tau, baling lomi ne kehedemen. Kdê yó kem tehe gna kehedemen tódô gotu lana, ne hono lomi ne bud tlesen du.

Kul Nmò 26:18

Lemwót bè yóm angat ktolokem kul,’ monen, ‘angat mkó bélê le kbutô le. Angat tnagak le yóm gónón kmifu, ne mili le elem yóm gónón lemayag. Angat le gewà gu lem tdok Seitan, ne mili le elem hólól Dwata. Lemwót bè yóm kehtahu le béléu, angat hnifót Dwata salà le, ne baling le tau Dwata se kul.’ ”

Kun Snulat Jan 3:6

Yóm ngà sut bè tau, tau se yó. Okóm bè yóm bud kehlomihen sut yóm tau, deng baling ngà Dwata ne, lemwót bè yóm deng nmoen béléen yóm Tulus Dwata.

Flipay 3:21

Bè yóm angat kesfuléken edini, tenlesen yóm lówó tekuy mahil matay nii, ne heskélen bè yóm kun lówó là matayen. Yóm kegbeken mò du nim ni, bud yó se yóm kegbeken mogot du yóm klamangen.

1 Pitér 4:11

Ke uu yóm sotu tau wen khulungen tmolok, tódô tolokem sen yóm Udél Dwata. Ke uu sotu tau wen khulungen tmóbóng, hol hlanem bè yóm kgis deng blay Dwata kóm yóm któbóngem kem dumuhem. Ke hyu kwit ye du yóm kenhulung blayen kuy, tey megdóyón Dwata mlan bè yóm któbóngen kuy Jisas Krays. Dwata se yóm hol knóón megdóyón, ne sónen du se yóm hol mfasang. Hol bê ye abay nmò sónen yóm kdóyón kuy du.