Ifisus 1:15 - Udél Dwata: Gna Kesfasad ne Lomi Kesfasad

¹⁵ Duhen yó, lemwót bè yóm deng kungolu du yóm kbegel yóm kehtahu ye bè Jisas, yóm gónó tekuy mogot ne yóm alì kbong nawa ye yóm kdê kun tau Dwata,

Ifisus 1:15 Referans Kwoze

Filimun 1:5

abay se deng gefet béléu yóm kbong nawahem kdê yó kem kun tau Dwata, ne yóm tey kehtahuhem bè yóm gónó tekuy mogot Jisas.

Hibru 6:10

Tey tedeng knawahen yóm Dwata. Là kô klifóten du yóm hyu tehe gel nmò ye, ne yóm tey kbong nawa ye du. Yó gónón gfan yóm nawa ye ebéléen yó bè yóm gel któbóng ye yó kem dumu ye hemtahu. Balù ni kmoen ni, sana kmò ye du.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

1 Jan 4:21

Ni sii yóm hlau lemwót bè Krays, monen, “Ke bong nawahen ke Dwata yóm tau, hol kenbongen nawa dumun tau snéen.”

1 Jan 3:17

Ke wen tau bong kun kendengen, ne ke tonen yóm dumun setwoli wen gónón élél, okóm ke là kô dog tnóbóngen du, là bong nawahen ke Dwata.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

1 Timuti 1:14

Okóm tey któbóngen dou yóm gónó tekuy mogot, tódô henbalingen ou tau hemtahu, ne blayen do yóm kbong nawahu kem dumuhu. Yó se nefeten yóm deng kessotu tekuy bè Krays Jisas.

1 Timuti 1:5

Yó hol muhen nim hlolou kóm ni anì wen yóm kesbong le nawa lemwót bè yóm klaen dù belenen yóm nawa le, ne yóm klaen dù blóng le ebè Dwata, ne hol tahu duhen yóm kehtahu le.

1 Tisalunika 4:9

Bong bè yó dum kesbong nawa ye bè yó kem dumu ye deng hemtahu, baluen ke là bud snulatu du bélê ye ne, abay se deng tolok Dwata kuy ne yóm kmò kesbong nawa.

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Kem Lingón 16:3

Tey gulit nmò le yó kem tau teneb le bè kehtahu le. Tey hyu nawahu ke nóe lem blóng le.

Kul Nmò 20:21

Yó gel monu mò yó kem Ju dalang se yó kem tau là Ju le, monu, ‘Hol ye hegsel ne knogol ye ne yó kem sidek gel nmò ye, beklil ye ebè Dwata ne, ne hemtahu ye bè Jisas, yóm hol gónó mogot.’

Sulat Pol Ebè Yó Kem Tau Hemtahu Bè Rom 1:8

Ni tanay monu mò kuy, tey kedóyónu ke Dwata bè yóm kdê ye bè yó, hlanu bè Jisas Krays, abay se deng gefet bè klamangen benwu yóm kuy kehtahu bè Jisas.

Ifisus 1:1

Ou Pol gónóhen lemwót nim sulat ni. Hol lemwót bè kun kóyô Dwata yóm kbalingu tau gel hógów Krays Jisas. Nim sulat ni, hwitu ebélê ye yu kem kun tau Dwata bè Ifisus, yu kem tau deng ssotu bè Krays Jisas, kem tau là kóen monol nawa le ebéléen.

Ifisus 3:18

anì hol glileb ye snéen yóm kbong nawa Krays tekuy yóm kdê tekuy kem kun tau Dwata. Yóm nawahen tekuy yó, udì tonok ne longit.