Ifisus 1:12 - Udél Dwata: Gna Kesfasad ne Lomi Kesfasad

¹² Duhen yó, bélê me kum kem tau hol tanay hemdón ke Krays, yake mi dé gónó Dwata megdóyón lemwót bè kun kehyu.

Ifisus 1:12 Referans Kwoze

Ifisus 1:6

Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

2 Tisalunika 2:13

Okóm kuy, kem dumu me setwoli, kem tau kenbong nawa yóm gónó tekuy mogot, là gbek me du ke là gel dóyón me ke Dwata lemwót bélê ye. Abay se tehe yu ekni bè hol kbut yóm benwu, deng eles nélék Dwata yu ne anì lenwaen yu gu lem hatay. Yó kmò kehewaen kuy, hlanen bè kun kfasang yóm Tulusen mò hembaling kuy kun tau hol mólós, ne bud hlanen snéen bè yóm deng kehtahu ye yóm ktahuhen.

Ifisus 3:21

Yake hol megdóyón dé Dwata lemwót bélê tekuy kem tau hemtahu béléen, ne bud megdóyón snéen lemwót bè Krays Jisas. Yóm kegdóyónen yó, yake béen abay wen sónen.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Isaya 45:23

Sok wen gel fasadu hol dohò se yó, laen kô gembek temles du. Yóm fasadu kuy yó, là kóen bud mulék elem baku. Yó fasadu, angat kdéen tau gotu mtud bukol bè soluhu, mung du yóm safà le béléu anì són ou yóm gónó le mogot.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Sulat Jim 1:18

Deng tódô lemwót bè kun kóyô yóm kehbalingen tekuy kem kun ngà mlan bè kdilô tekuy du yóm ktahu yóm kun udél. Henbalingen tekuy kem ngaen anì lemyu tekuy senta yó kem dumu tehe dlimunen.

Kem Lingón 2:12

bè yóm keheglaan ye béléen. Déke kendel msut lebuten, ngem kà tódô ye matay mekto. Tey kehligal le kul yó kem tau tendo gel hofin béléen.

Ifisus 2:7

Yó gónón mò du nim ni mò gónón hegfan du bè kdéen tau yóm tey któbóngen tekuy, ne yóm tey nawahen ebélê tekuy hlanen bè Krays Jisas.

Kun Snulat Jan 14:1

Ne yó bud mon Jisas mò kul, monen, “Hol bê ye hesbeweg kehedem ye. Snalig ye Dwata, ne snalig ye ou snéen.

Isaya 45:25

Tek són ou angat lemwà yó kem semfu gu bè tehe Jakub ne tey kdóyón le do.”

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

2 Timuti 1:12

duhen nim gónóhu fen glayam ni. Okóm là kóen mili nawahu, abay se deng tngónu Dwata, yóm dou gentud nawa, ne deng tngónu se yóm kegbeken semgifà du yóm kdê deng sigangen tahu efet kól bè yóm kdaw angat kdau bè soluhen.