Husiya 6:6 - Udél Dwata: Gna Kesfasad ne Lomi Kesfasad

⁶ Yó hol nóyóu bélê ye ke hol tahu lemwót lem but blutut ye yóm kbong nawa ye do. Là kô yó du kem gel dsù ye yóm hnebelu. Mom hyu nawahu ke hol tngón ye o. Tey hyu yó senta bè yó kem dsù gel hkekeb ye ebéléu.

Husiya 6:6 Referans Kwoze

Matyu 9:13

Hol hennagì ye dé lanen yóm sotu monen bè Sulat Dwata, ‘Keskodu dé yóm hol nóyóu bélê ye,’ mon Dwata, ‘là kô dsù du.’ Duhen ni se yóm nógówu edini ni,” mon Jisas, “là kô tnabahu kul yó du kem tau tedeng kmò le. Okóm yó tnabahu, yó kem tau gemsalà.”

Matyu 12:7

Wen yóm monen bè Sulat Dwata, ‘Keskodu dé yóm hol nóyóu bélê ye, là kô dsù du.’ Ke deng tngón ye lanen yóm udél Dwata ni, là kô ne ye e tódô hensalà yóm tau laen dù bang salaen.

Kem Udél Hlalak Tehe Selumun 21:3

Tey hyu nawa Dwata du yóm tedeng ne yóm là kkihu senta yóm gel dsù ebéléen.

1 Samwél 15:22

Ne yó balà Samwél du, monen, “Mahi du du yóm gónó Dwata hligal, yóm dsù hkekeb te ne yóm dumu dsù te kô, duhen ke bè yóm kimón te du? Kaem kimón ke Dwata yóm bong muhen senta yóm dsù hkekeb. Kaem yóm khungol te du, bong muhen senta yóm ubiha mabù dsù te ebéléen.

Amus 5:21

Yó udél Dwata, monen, “Tey sidek kekbéu du yó kem gel kehligal ye tmaba ebéléu. Là bud gbeku hembala du ne yóm gel kesbung ye.

Isaya 1:11

Yó udélen ebélê ye, monen, “Ofo kuy mon du ke móyóe du yó kem gel dsù ye ebéléu. Kaem là. Denge tmakas du ne yó kem ubiha gel hkekeb ye ebéléu ne yó kem dumu ógóf mabù gel dsù ye. Denge tey tmakas snéen bè yóm litô safì tudu ne ubiha ne kambing gel dsù ye.

Jirimaya 22:16

Sal gel tedeng kukumen yó kem tau élél ne kdê yóm nmoen sal hyu uléken. Yó se yóm kmò ketngónen dou,” mon Dwata.

Matyu 5:7

Tey kehyuhen bélê le kul yó kem tau ke hol knodu le kem dumu le, abay se angat bud knodu Dwata lu se kul.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

1 Tutul Israél 28:9

Ne uu, ngau Selumun, yake holi setngón ke Dwata yóm Dwata yó kem fuem. Hol nmoem yóm hmoen kóm Dwata, ne hol hewótem lem but blututem yóm óyóem hol mimón du. Yakà yóm Dwata yó, gotu tonen yóm nô lem hendem yóm ket tau, ne gotu tngónen yóm kdê atulen ne kdê hendemen. Ke hnebelem Dwata, dohò se ktonem du. Okóm ke tebelem, bud laen kô dù tul sónen yóm kdohò yóm kekbéen kóm.

Jirimaya 7:22

Bè yóm tehe kwitu kul hewà gu bè Idyip yó kem tehe fù ye, laen kô dù hlolou kul ke gbak bè yóm dsù gel hkekeb le duhen ke bè yó kem dumu dsù.

1 Jan 3:6

Yó gónóm mon, ke deng ssotu bè Krays yóm tau, là kô senflósen du mò du yóm salà. Yóm tau senflósen mò salà, là dengen hemtahu he, là kô tngónen ke Krays.

1 Jan 2:3

Wen gónó ye milô du ke tahu yóm deng ketngón ye ke Dwata, duhen ke deng nimón ye yó kem kun hlau.

Mika 6:6

Bè yóm bud ktaba tekuy ebè Dwata yóm Dwata bè longit, tedu se tô nwit tekuy ebéléen du mò blay tekuy du bè yó kem sidek deng gel nmò tekuy? Nwit tekuy ebéléen kô yóm ngà safì hanà sfalayen alì hyu bè kdéen mò hkekeb te ebéléen?

Husiya 4:1

Ó kem tau Israél, hol hnungol ye udél yóm sana Dwata hol gónó mogot. Deng wen duónen kuy yóm kdê ye nô lem yóm kuy benwu ni, monen, “Là teneb ye béléu, laen dù kesbong nawa nô bélê ye ne laen dù bélê ye deng temngón do bè benwu ye.

Isaya 58:6

Ni dii yóm kmò kfasting nóyóu. Hewà ye yó kem tau tódô blanggù laen dù salà. Ne bê ye bud hen-gnok yó kem tau mò nmò bélê ye. Hol henyu ye kmò ye ebélê le ne blay ye kul yóm deng leniteg le.

Husiya 2:20

Htenebe bélê ye, nmou yu mò hol dou nfun ne angat tódô henmung tngón ye ou yóm sana kuy Dwata hol gónó mogot.”

Kem Lingón 50:8

Là nudélu kuy bè yóm tendo gel kedsù ye ebéléu, dalang se yóm dsù tendo gel hkekeb ye ebéléu.

Mark 12:33

Là hyuhen ke là kenbong nawa tekuy ke Dwata, ne ke là hotu tekuy nawa tekuy ebéléen, ne ke là hmung tekuy du kehedem tekuy ne gel tekuy. Ne là hyuhen ke là kenbong nawa tekuy kem dumu tekuy lómón yóm kbong nawa tekuy yóm kut knô. Ke lolò tekuy ni kem lewu hlau ni, ni se tey bong muhen bè Dwata senta yó kem ógóf gel dsù tekuy ebéléen, dalang se yó kem dumu gel dsù tekuy.”

Husiya 14:2

Semfulék ye ebè Dwata dé, ne mon ye mò du, “Hol hnifótem kum kdê yó kem sidek deng gel nmò me ne bud henmóyóem mi anì bud dóyón me u. Yóm kdóyón me kóm yó, hol lómón ke wen deng dsù me ebéléem.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.