Husiya 6:5 - Udél Dwata: Gna Kesfasad ne Lomi Kesfasad

⁵ Deng hógówu kem tugodu mò na a tmulón du kuy yóm deng ukumu kuy ne yóm keglau kuy. Hol tahu dohò yóm angat ktafaku kuy, hol lómón kdohò yóm kwasen ket hlafus.

Husiya 6:5 Referans Kwoze

Jirimaya 23:29

Yóm dou udél,” mon Dwata, “hol lómón ke ofi gotu kenen kdéen. Ne sotuhen, hol lómón ke bakbak gbeken bemtù botu.

Jirimaya 1:10

Kemdaw ni wen kwalis blayu kóm mò mudél ebè yó kem dê kay but tau ne ebè yó kem tau hol geta mogot kul. Hol lómón kmoem kul, wen se kendutem ne wen se hnugónem, wen se genlaem ne wen se hebtangem. Okóm bud wen se bélê le bud hdaem ne wen se bélê le hol lómón ke bud huluhem.”

Hibru 4:12

Yóm Udél Dwata, tey mlan, ne tey gembek. Ke hningón tekuy yóm udél Dwata, hol lómón ke sudeng, tey gembon ke wen tenbeken. Milud he kegbonen yóm udél Dwata, abay se tódô gotu tngón Dwata yóm kmò tekuy ne yóm knawa tekuy. Ne gotu henklolen yóm nô lem nawa tekuy ne yóm nô lem hendem tekuy.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Deng Hegfan 9:21

Yó kem tau dù tebel yó koni, là kô le dog hegsel bè yóm gel kbonok le. Ne là se kô tebel le du yóm kwen lamat le, ne yóm kmò le samuk, ne yóm knagaw le.

Deng Hegfan 9:15

Tahu se, gotu hewà le lu, abay se deng hto ne yóm buteng Dwata hewà kul. Deng eles tehe nmoen yóm halayen ne bulónen ne kdawen ne urasen hewà kul anì na le e hmatay botong gbut bè yó kem tau te tonok.

Deng Hegfan 2:16

Yó gónóm mon, hol knogol ye ne yó kem salà gel nmò ye. Ke là hdon ye du nim monu mò kuy ni, ngem tódóe sut bélê ye naw e genlà yu bè nim sudeng hesut gu lem baku.

Deng Hegfan 1:16

Ne wen hitu blotik nogoten bè sigel kwananen. Ne wen hesut gu lem baken lómón ke sudeng. Ne lem uyóhen, hol lómón knóngen mata kdaw deng gtungó.

Kul Nmò 7:31

Bè yóm kton Musis du yóm yó, tey ketngahen. Ominen hloni edu anì minggel hol ktonen du. Ne tódô gungolen se yóm udél Dwata ebéléen gu lem yóm dilóf,

Sifanaya 3:5

Okóm yóm Dwata, sana knóen bè yó lem syudad le, laen kô dù sidek nmoen. Tódô ket kdawen mò du yóm tedeng bè yó kem kun tau, okóm là kô dilô le du. Laen kô gónó le myak yó kem tau gel mò sidek.”

Isikél 3:9

Eles hgelu kuluhem lómón kgelen botu. Yó gónóm mon béi abay hlikò bélê le. Ne béem abay knikò yóm gel ketngel le des, abay se kdê le hono tau là mimón do.”

Jirimaya 1:18

Yó nmou béléem kemdaw ni, hol lómón ke uu yóm syudad alì mbegel, bala tók heheken ne tembaga bengen, là gbek le gembà du. Laen dù bè yó kem tau hol geta mogot yóm benwu Juda ne bè yó kem genlal le ne bè yó kem tau gel blóng ebéléu, duhen ke bè yóm kdéen tau bè Juda ke gembek kóm.

Isaya 58:1

Yó udél Dwata, monen, “Hol hgelem udélem. Hol tulónem yó kem dou tau Israél yó kem salà le.

Isaya 11:4

Tey tedeng kkukumen kul yó kem tau élél ne nfihen yó kem tau laen dù genbek le. Lemwót bè kun udél gónó le megtafak yó kem tau hemsidek kul ne gónó le matay yó kem tau sidek nmò le.

Kem Lingón 119:120

Botong setbol kkelu lemwót bè klikou kóm, knikou yóm angat kkukumem do.

Kem Lingón 37:6

Ke tedeng yóm gel nmoem, hegfan Dwata bè kdéen tau. Hol lómón kehegfanen du, lómón ke nóng kdaw deng gtungó.

2 Tutul Israél 21:12

Omin Ilaydya yóm tugod Dwata, smulat ebè Jihuram, monen, “Ni se udél Dwata ebéléem, yóm Dwata fuem Dabid. Là kô dog loloem du yóm hyu tehe gel nmò maem Jihusafat, dalang se yóm kun nmò yóm téméem Asa tehe tau hol geta bè Juda.

2 Bok Kem Tau Hol Geta 1:16

Yóm kkól Ilaydya bè yóm tau hol geta, yó monen mò du, “Ni se udél Dwata ebéléem. Moen du ke hógówi tau ebè Baal-sibub yóm dwata lennged yó kem tau bè Ikrun, ne tô snólókem béléen ke mowili du yóm sléhéhem? Laen dù bud Dwata bè Israél kô? Yó gónóm mon, lemwót bè nim nmoem ni, là kói bud gebtik ne bè yóm gónóm masà. Tódói matay bè ni se kóm.”

1 Bok Kem Tau Hol Geta 19:17

Yóm tau mlóy gu bè Hasaél, angat hnatay Jihu, ne yó se hemlóy ke Jihu, angat hnatay Ilaysa.

1 Bok Kem Tau Hol Geta 18:17

Timbow ton Ahab Ilaydya, yó monen mò du, “Na, uu kô ni, yóm tau mit kesbeweg bè Israél?”

1 Bok Kem Tau Hol Geta 17:1

Wen sotu tugod Dwata boluyen Ilaydya lemwót bè Tisbi yóm sotu benwu snakuf Gilyad. Sotu kdaw, yó monen mò ke Ahab, “Mlan bè boluy yóm Dwata là matayen yóm Dwata yó kem tau Israél, yóm Dwata gel hógów do, wen tulónu kóm. Nbuten ni, laen dù amù duhen ke kulón lem yóm hilu halay efet bud monu mò kóm.”

1 Bok Kem Tau Hol Geta 14:6

Tahu se, timbow gungol Ahidya unihen lemafang yehen Jirubuam bè bak dól, ominen tmaba du, monen, “Huseki, yehen Jirubuam. Moen du ke hlinguhi libun hkawang?” Ominen mon du mò du, “Wen tulón là hyuhen tulónu kóm.

1 Samwél 15:22

Ne yó balà Samwél du, monen, “Mahi du du yóm gónó Dwata hligal, yóm dsù hkekeb te ne yóm dumu dsù te kô, duhen ke bè yóm kimón te du? Kaem kimón ke Dwata yóm bong muhen senta yóm dsù hkekeb. Kaem yóm khungol te du, bong muhen senta yóm ubiha mabù dsù te ebéléen.

1 Samwél 13:13

Bnalà Samwél, monen, “Nungeli, là kô dog loloem du yóm deng hloloen kóm yóm sana kóm Dwata hol gónó mogot. Ke deng loloem, laen kô dù nan e són yóm kogotem bè Israél kkólen bè yó kem angat lugodem.

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Ifisus 6:17

Yó henged sloung tók eles tendo gel sudù tekuy, duhen yóm deng kegewà tekuy. Ne yó kfilan blayen tekuy yóm Tulus Dwata, duhen yóm Udél Dwata.

1 Samwél 15:32

Omin Samwél mon du, “Nwitem edini Agag yóm tau hol geta bè yó kem tau Amalikayt.” Tahu se, yóm kkól Agag bè yó balù udì ke wen klikoen, yó mon nawan, “Tahu là hnatay le do.”

1 Samwél 15:33

Okóm yó mon Samwél mò du, “Lemwót bè sudengem, deng tey dê libun laen dù bud ngà le logi. Ne ni, laen dù bud ngaen se kun yóm kóm yê.” Omin Samwél hmatay ke Agag bè yó bè solu Dwata bè Gilgal, tódô gotu heneken lówóhen.