Husiya 6:2 - Udél Dwata: Gna Kesfasad ne Lomi Kesfasad

² Ke deng lewu duhen ke tlu kdaw, angat bud hnomihen tekuy anì hlós tekuy nô bè soluhen.

Husiya 6:2 Referans Kwoze

2 Bok Kem Tau Hol Geta 20:5

“Budi semfulék ebè Hisikaya, yóm tau malak yó kem dou tau. Tulónem du, ‘Ni se udél Dwata ebéléem yóm Dwata tehe fuem Dabid. Deng gungolu yóm hnihem, ne deng tonu yóm lewokem. Hkóhu yóm desem. Tlu ni angati btik ne budi mógów ebè Gónô Dwata.

1 Kurin 15:4

Deng tehe tulónu kuy snéen yóm kebeng le du, ne bè yóm getluhen kdaw bud hlowil Dwata. Bud ni se yóm tehe hsulaten ekni.

Isaya 26:19

Yó kem dumu me deng matay, angat wen kdaw le bud mowil. Bud le mulék bè sana lówó le. Kdê yó kem tau tolo nô lem lebeng le, tódô le bud mowil ne gotu le hligal semngal. Lómón yóm amù gel sminang hlafus gotu hlowilen yó kem hulu, hol lómón yó se angat nmò Dwata, angat bud hlowilen yó kem tau tehe matay là sekna.

Kun Snulat Jan 14:19

Móyón là bud ton le do ne kul yó kem tau là hemtahuhen,” mon Jisas, “okóm angat bud ton ye o yó dum kuy. Lemwót bè yóm bud klowilu, yó se gónó ye angat gmuta yóm klowil laen dù sónen.

Husiya 13:14

Sawang tô nsoku lu gu lem lebeng? Book. Sawang tô lenwau lu gu lem hatay? Là. Ó hatay, gotu heglumfakem kul yóm kdê hlayamem. Ó lebeng, hol hnikoem lu. Laen dù bud koduhu kul ne yó kem tau yó.

Tekang Kbuten 17:18

Ne yó bud monen mò ke Dwata, “Yake bè Ismaél dé gónóm hlan du yóm fasadem dou.”

Sulat Pol Ebè Yó Kem Tau Hemtahu Bè Rom 14:8

Bè yóm igò tekuy mowil, Jisas yóm mfun tekuy. Ne kesok tekuy matay, bud du snéen mfun tekuy. Kihu ke mowil tekuy duhen ke matay tekuy, du se mfun tekuy.

Kem Lingón 61:7

Hyu ke laen dù sónen yóm kogoten benwu bè solu Dwata. Hol lambungem du, Dwata, yóm là konolen yóm kbong nawam du ne yóm ktenebem béléen.

Kem Lingón 71:20

Deng tey kehlayamem dou, okóm angat bud hlowilem ou. Hol lómón ke bud hlowilem ou gu lem lebeng.

Kehedem Tau Tmolok 3:3

Wen se kdaw hmatay ne wen se kdaw hkó des. Wen se kdaw gembà ne wen se kdaw bud hemdà.

Isaya 30:26

Yóm nóng bulón lómón ktatawen nóng kdaw. Ne yóm nóng kdaw alì mkay senta yóm gna gel knóngen. Ni se kmoen bè yóm kdaw angat kbulung Dwata du yó kem tehe halien kuy ne gotu hkóhen lu. Là gomongen bè nili yóm bérs 27 kól bè 33. Bud tulón Isaya yóm angat kkól Dwata mung du yóm tey sidek kebuten yó kem hohonen, kem tau Asirya. Ke uhayen eta le yóm sigelen alì kemgis mit du yóm ofi gónó meglà, mung du yóm hol yéen kulón bong, lel leték ne bulók kulón alì lembang mò na a gemlà kul. Bè yóm keglà yó kem hohon le, gotu le hligal semngal kdê yó kem tau Israél ne huni le yó kem tamburin le ne yóm sotu gel kenbit le. Yó monen bè bérs 33, “Yóm benwu Tufét, benwu gónó le gel mtem deng legen ne eles ketgama le du bè yóm tau hol geta bè Asirya, deng eles wen tey tumfuk koyu luduk le bè yó. Yó mò hdilóf du, yóm nawa gu lem bak Dwata, hol lómón ke ofi gu bè yóm bulul btù.”