Husiya 6:11 - Udél Dwata: Gna Kesfasad ne Lomi Kesfasad

¹¹ Dalang se kuy kem tau bè Juda, deng bnutengu ne yóm ktafaku kuy lemwót bè yó kem sidek deng gel nmò ye.” Là gomongen bè nili yóm tsaptér 7 kól bè tsaptér 10. Yó tulónen bè ni kem tsaptér ni yóm kbólów Husiya yó kem tau Israél bè yóm ktaba le ebè yó kem dwata kéng, lel le bud demsù ebè Dwata. Yó mung bè yóm gel ktaba le ebè yó kem dwata kéng, gel le stungô bè yó kem libun hdóyón Baal, lel le gel hlengel. Yó mò kul yó kem tau Israél, lana bélê le yóm khulung le hedem. Bè yóm salà nmò le ni gónó Dwata alì tmafak kul. Angat heglaen yóm benwu le ne hegefen lu bè yó kem tau Asirya.

Husiya 6:11 Referans Kwoze

Juwél 3:13

Tey alì gulé yóm ksidek nmò le. Yó gónóm mon, gotu gnalab ye lu lómón kgalab halay bè yóm kdaw kuta. Gotu sninà ndà ye lu lómón ksinà bungu grép, yakà dengen hnok yóm gónó kemmes kul, tódô gotu lembés élen. Lómón yó se kguléhen yóm tendo ksidek yóm gel nmò le.

Job 42:10

Timbow deng kogol yóm kni Job bè yóm tlu kem ween, ya tey bud kehdengen Dwata du. Botong lewu duléken bud hulék du ebè Job yó kem deng lana béléen.

Deng Hegfan 14:15

Ne bud wen sotu hógów Dwata tonu hewà gu lem yóm Gónô Dwata, tey hgelen udélen tmaba ebè yóm myón ta lobun, monen, “Nam e gmalab dé, abay se deng hto ne yóm kdaw kuta. Deng gotu hulô ne yóm nuta te tonok.”

Sifanaya 2:7

Bè yó angat gónó le hótób ógóf le yó kem dù tau mowil bè Juda. Ke sok kifu gel le tungô bè yó kem gónô gtebel laen dù tauhen bè Askilun. Abay se yóm sana kul Dwata hol gónó mogot, là kô nan e klifót kul ne bud hen-guléken klowil le.”

Mika 4:12

Okóm yó kem tau mon du yó, là kô tngón le du yóm nô lem hendem Dwata. Là tngón le du yóm kun atul, duhen yóm deng gotu kestifunen kul anì tnafaken lu, lómón yóm halay deng eles nwit le ebè yóm gónó le kmusu du.

Kem Lingón 126:1

Bè yóm tehe khulék Dwata tekuy ebè Jirusalim, hol lómón ke olo kna.

Kem Lingón 85:1

Ó Dwata, deng tódô kokem eta yóm tonokem yóm tóbóng là deng wen hnikót mton du. Deng bud hen-gulékem klowil me mi kem tau Israél.

Jirimaya 30:10

Ó kem dou tau, hol bê ye abay hlikò. Kem tau Israél, hol bê ye abay htafa nawa ye. Yakà bud nitu kuy semfulék ebè benwu ye gu bè yó kem tey benwu mayuk. Yó kem ngà ye, tebel le ne yóm benwu gónó le e megef kul. Angat le semfulék yó kem tau Israél ne angat menek kbenwu le ne laen kô dù bud knikò le.