Husiya 5:8 - Udél Dwata: Gna Kesfasad ne Lomi Kesfasad

⁸ Hgel ye mféw bè benwu Gibya abay se wen gida sut. Bud senged se bè Rama ne bè Bét-abén. Hol tenngel ye tekwang ye, kem sendalù lemwót bè ból Bindyamin.

Husiya 5:8 Referans Kwoze

Husiya 4:15

Balù yó ne yóm benwu Israél lómón ke libun hdóyón, là teneben béléu, olon se benwu Juda ne ke hol béen abay gbót mò du kun yóm yó. Bê ye abay mógów ebè Gilgal bè benwu Israél duhen ke bè Bét-abén ke tô tnaba ye o bè yó. Ne bê ye abay gbót smafà ditu ke mon ye, ‘Mlan bè boluy yóm Dwata mowil’ abay se olon te kulit yóm nmò le yó.

Juwél 2:1

Huni ye yóm féw bong eles hetgama tau bè Jirusalim. Huni ye ta yóm dou bulul. Yake gotu ye kenkel kem tau mungol du, lemwót bè klikò ye, abay se móyón kól ne yóm kun kdaw Dwata, bè ktahuhen deng mdulen ne.

1 Samwél 15:34

Kewót Samwél bè yó mulék ebè gónóen bè Rama ne fen mulék ebè gónóen bè Gibya ke Sol.

Kmukum 5:14

Mosol le ebè datal yó kem ból Ifraim, tukô gna kul yó kem ból Bindyamin. Yó kem kmandér le, lemwót le bè ból Makir ne wen se dumu genlal lemwót bè ból Sibulun.

Juwél 2:15

Huni ye yóm féw bong taba tau bè Bulul Sayun. Heglalag ye bélê le yóm sotu kdaw htólóng ye mò kdaw ye fasting mni ebè Dwata. Htaba ye yóm kdéen tau na ye gotu stifun tmaba ebè Dwata.

1 Bok Kem Tau Hol Geta 12:29

Lemwót yóm sotu safì tahu blówón yó suen bè Bétél yóm benwu hol fi leged lem yóm kun benwu nogot, ne yóm sotuhen suen bè benwu Dan yóm benwu nô fi bwak lem yóm benwu nogoten.

1 Samwél 8:4

Yó gónóm mon, gotu le stifun yóm kdéen tuha malak bè Israél ne mógów le ebè Samwél bè Rama,

1 Samwél 7:17

Ominen yó semfulék ebè yóm kun benwu bè Rama nan e bud kmukum bè yó. Ne wen gónó le demsù ebè Dwata hdà Samwél bè yó bè Rama.

Juswa 7:2

Bè yóm knô le Juswa bè Jiriku, yó nmoen wen kem tau dóken hemkana yóm syudad Ay. Nim Ay ni, nô fi dmata kdaw Bétél moni bè Bitabin. Bè yóm deng bud kkól yó kem tau hemkana dók Juswa yó koni,

Amus 3:6

Wen kô là likoen ke gungol le yóm féw gel huni le ke wen gida sut bè benwu le? Wen kô hlayam gefet lem syudad ke là lemwóten bè Dwata?