Husiya 5:7 - Udél Dwata: Gna Kesfasad ne Lomi Kesfasad

⁷ Abay se là kô le henek bè Dwata. Là kô ke Dwata du funen yó kem ngà le, tódô ngà le hkawang. Duhen ni, lemwót bè yóm ktaba le ebè dwata kéng gónó le meglà, gomong tonok le.

Husiya 5:7 Referans Kwoze

Husiya 6:7

Okóm mkél ye bè yóm tehe Adam, deng genbà ye yóm kesfasad tekuy ne deng knogol ye o.

Jirimaya 3:20

Okóm kem tau Israél, deng mom tebel ye ou. Deng ye mkél bè yóm libun tebelen yehenen,” mon Dwata.

Husiya 2:11

Angat nmou sónen yóm kdê kestifun gel nmoen, yóm gel kehligalen ket halay, yóm gel kehligalen ket bulón bè yóm ksut yóm lomi bulón ne yóm gel kehligalen ket fedyan bè Kdaw Kehegnô kkólen bè yó kem dumu kdawen gel hligal, angat lensónu.

Husiya 2:4

Ne yó kem ngaen, là kô kenbong nawahu kul abay se hono le kem ngà gu laan, là dou ngà du.

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Kem Lingón 144:11

Hol kenlungem o bè bak suk. Lenwaem o lem hólól yó kem hohonu. Hono kéng btang bè sumung le. Igò le se smafà ani tulón le yóm ktahuhen, okóm kéng le.

Kem Lingón 144:7

Hloyolem elaan sigelem ne lenwaem o. Lenwaem o gu lem yóm él nelem, gu lem hólól yó kem tólóng tau.

Isaya 1:14

Tey kkutó nawahu du yóm gel kestifun ye yó. Hol lómón ke deng hbô ye do yóm tey blat ne là bud gehbalahu du.