Husiya 5:6 - Udél Dwata: Gna Kesfasad ne Lomi Kesfasad

⁶ Nwit le kem ubiha ne kem safì mò dsù le ebè Dwata, okóm deng mom gtufì. Là bud ton le ke Dwata ne, deng tnagaken lu.

Husiya 5:6 Referans Kwoze

Kun Snulat Jan 7:34

Angat senfebel ye ou, okóm là kô ton ye dou, abay se là kô ye gógów edu tum gónóhu nô.”

Kem Udél Hlalak Tehe Selumun 1:28

Mom yó he ktaba ye do okóm là kô tnimulu kuy. Balù kihu gónó ye hol mebel do là kô ne ye e ton dou.

Jirimaya 7:4

Hol bê ye abay snalig yóm udél yó kem tau gel mon du mò kuy lemwót bè yóm knóen lem blóng tekuy yóm Gónô Dwata, laen kô dù dumu tau hemsidek tekuy. Kéng yóm yó.

Kem Udél Hlalak Tehe Selumun 15:8

Tey keklit Dwata du yóm kedsuen ebéléen yóm tau gel mò sidek, okóm yóm kni yóm tau tedeng kmoen hnigalen.

Kun Snulat Luk 5:16

Okóm ke Jisas, tódô gel hlana lem blóng le, hetsik sónen du na a gel mni bè Dwata.

Kem Udél Hlalak Tehe Selumun 21:27

Tey kenlit Dwata yóm dsuen ebéléen yóm tau gel mò sidek, hol néen ke yó gónón tô demsù anì mkó tahen yóm salaen.

Kehewà 10:9

Mon Musis se, “Tódô kdê me, mung kum kem ngà me ne yó kem tuha bélê me. Nwit me kem ngà me logi ne kem ngà me libun ne kem ubiha me ne kem kambing me ne kem safì me abay se mò me ken bong mò gónó me hegfan yóm kadat me ke Dwata, yóm sana kum Dwata hol gónó mogot.”

Mika 3:4

Angat kól yóm kdaw ye hkodu mkik ebè Dwata, okóm là kô nan e bnalà kuy. Mom henbnosen yu lemwót bè yó kem sidek deng gel nmò ye.

Jirimaya 14:12

Baluen ke fasting le, là kô naw e kenmón kul. Ne baluen ke dsù le ebéléu yóm dsù gel hkekeb le ne ke wen blay le dou bè yóm halay le, là kô naw e henmóyô kul. Mom yó nmou bélê le, matay le bè gida ne matay le lemnus ne matay le bè des.”

Malakay 1:10

Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

Amus 8:12

Angat le gotu lóngón yó kem tau, tendo nebel le udél Dwata, lenwót le bè Mohin Héét mebel efet kól bè Mohin Miditiranyan, omin le lemibut lenwót le fi debwak kól fi dmata kdaw, okóm là kô ton le du.