Husiya 5:5 - Udél Dwata: Gna Kesfasad ne Lomi Kesfasad

⁵ Yó deng temksì kul yó kem tau Israél, duhen yóm alì keheklabak le. Gotu le tlokob lemwót bè keblat yó kem salà nbô le. Balù Juda, angat mung tlokob bélê le.

Husiya 5:5 Referans Kwoze

Amus 5:2

“Deng btang ne Israél, yóm sawang libun ne là buden gebtik. Deng gbayà, tódô masà bè tonok, laen kô dù bud hdà du.”

Kun Snulat Luk 19:22

Ne yó mon yóm tau kól yó, ‘Tey bakà nim uu. Bè yóm udélem yó gónóhu tmuled kóm. Igoem sem temngón du gele móyô smolò, gel nwahu yóm là do du, ne gel nutahu yóm là do hulu du.

Matyu 23:31

Lemwót bè yóm udél ye yó gónón gdilô yóm hol kesfu ye bè yó kem tau tehe mò des yó kem tehe tugod Dwata ekni.

Husiya 14:1

Ó kem tau Israél, géhél ye bud semfulék ebè yóm sana kuy Dwata hol gónó mogot, yakà deng ye gotu meglà lemwót bè yó kem salà ye.

Husiya 5:14

Angat gotu nmou bè yó kem tau Israél ne yó kem tau bè Juda yóm gel nmò liyun. Ou se tódô msék kul. Sok dyolu lu mayuk, laen kô gembek lemwà kul.

Husiya 4:5

Yó tafaku kuy, tendo ye tlokob kemdaw lómón yóm gel ketlokob ye ke kifu ne gotu le gomong tlokob bélê ye yó kem tugodu. Angat genlau Israél yóm yê ye.

Jirimaya 14:7

Yó udél Jirimaya, monen, “Balù yóm tey kegsalà me, Dwata, nam na hol bud tnóbóng mi anì ton yó kem tólóng tau hmilol kum mò gónó le madat kóm. Deng tey dê dulék me kmogol kóm. Deng me gemsalà béléem.

Isaya 59:12

Ó Dwata, deng tey wen ne yóm salà me béléem. Yó kem sidek deng nmò me yó, yó se fen kmamo kum béléem. Deng gotu dilô me ne yó kem salà me.

Isaya 44:9

Yó kem tau gel mò dwata lennged laen kô mu le. Ne yó kem lennged nmò le laen kô dù muhen, balù yóm tey sidek kebtesen bè yó kem tau mò kul. Lómón ke butô le yó kem tau hemtahu du yó kem dwata lennged yó, laen kô dù tngón le. Angat sidek kyak le.

Kem Udél Hlalak Tehe Selumun 30:13

Wen se kem tau alì salù le knô le abay se hendem le laen dù dumu tau gemsenged du yóm kul kehyu kmò.

Kem Udél Hlalak Tehe Selumun 24:16

Yóm tau tedeng kmoen baluen ke hilu duléken wen hemsidek du sal bud gel gebtik, okóm kul yó kem tau gel mò sidek glumfak hlayam le.

Kem Udél Hlalak Tehe Selumun 14:32

Lemwót bè yóm sidek nmoen gónón meglà yóm tau gel mò sidek, okóm yóm tau tedeng kmoen wen gónón e mlo bè katayen.

Kem Udél Hlalak Tehe Selumun 11:21

Ngem! Yó kem tau gel mò sidek là kô lugun Dwata kul là tnafak, okóm yó kem tau tedeng kmò le gewà.

Kem Udél Hlalak Tehe Selumun 11:5

Lemwót bè yóm kun ktedeng yóm tau laen dù belenen mit du ebè kehyuhen, okóm yóm tau gel mò sidek lemwót bè yóm sidek gel nmoen mit du meglà.

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Husiya 14:2

Semfulék ye ebè Dwata dé, ne mon ye mò du, “Hol hnifótem kum kdê yó kem sidek deng gel nmò me ne bud henmóyóem mi anì bud dóyón me u. Yóm kdóyón me kóm yó, hol lómón ke wen deng dsù me ebéléem.