Husiya 5:15 - Udél Dwata: Gna Kesfasad ne Lomi Kesfasad

¹⁵ Ominu semfulék ebè yóm dou gónó nô ne tódô bayau lu efet dilô le yóm kegsalà le. Ke deng sidek keglayam le angat bud hnebel le o, ne bud le htóbóng béléu.”

Husiya 5:15 Referans Kwoze

Isaya 26:16

Deng tehe tnafakem mi, Dwata, mi kem tauhem. Lemwót bè yóm alì sidek kebà nawa me gónó me mni tóbóng béléem.

Kem Lingón 78:34

Tikóng wen hnatay Dwata bélê le, yó he kebel le ke Dwata yó kem dù tau mowil. Hegsel le, ne bud le semfulék ebè Dwata.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Jirimaya 3:13

Són olo nmò ye, hol henmóyô ye yóm deng kegsalà ye. Hen-gsel ye yóm deng kkogol ye dou, yóm sana kuy Dwata hol gónó mogot ne yóm deng kdà ye do lan ye gel tmaba ebè yó kem dwata lenbù nmò ye laan yó kem koyu lembang. Hen-gsel ye yóm là bud klolò ye do.’ Ou se yóm sana kuy Dwata hol gónó mogot nim mudél ni.”

Jirimaya 2:27

Deng le gotu menmà bè yóm dwata lenbù nmò le bè koyu ne menyê le bè yóm sotuhen nmò le gu bè botu. Deng knogol le ou, okóm ke wen gfà le, bud le hkodu béléu anì lenwau lu.

Kun Snulat Luk 13:25

Abay se angat nseng yóm fun gónô yóm bak dólen. Angat tey ktaba ye doli beng, angat mon ye, ‘Lenungkaem kum dé, Sér, nim seng bak dólem nii.’ Ne yó mom angat balaen kuy yóm fun gónô, monen, ‘Là kô tngónu du gónó ye gu lemwót.’

Husiya 3:5

Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

Isikél 36:31

Omin ye yó he hemdem du yóm tehe salà ye ne botong nsel ye knô ye bè kdê yó kem sidek deng gel nmò ye.

Isaya 26:9

Ke kifu, sónen uu hendem me. Bè yóm kdaw angat kkukumem yó kem tau te tonok, ton le béléem yóm hol kukum tedeng.

Mika 1:3

Ngem, kól Dwata. Tebelen yóm gónón myón kmamal bè longit, mógów edini talak tonok mlan gu ta yó kem bulul.

Husiya 5:6

Nwit le kem ubiha ne kem safì mò dsù le ebè Dwata, okóm deng mom gtufì. Là bud ton le ke Dwata ne, deng tnagaken lu.

Isaya 26:21

Yakà mógówen edini Dwata lemwót gu bè yóm gónóhen nô bè longit nan e tnafak salà yó kem tau te tonok. Angat gotu hetngónen yó kem tau tehe monok là gfanen. Là bud gebnos tonok du se kun yóm tehe gónó le lembeng yó kem tau bnonok le.

Kem Lingón 132:14

Yó monen, “Ni se yóm benwu mò gónóhu nô kól bè laen dù sónen. Bè ni gónów nô, abay se ni se yóm benwu hol dou nóyô.

Kem Lingón 83:16

Hol henyakem lu efet le heglaan béléem.

Job 33:27

Yó angat udélen bè yó kem dumu tau yóm tau nsok Dwata yó, monen, ‘Denge gemsalà bè Dwata, là hyuhen yóm deng nmou okóm là kô tafak Dwata du do yóm tafak bang bayad yóm salà nmou.

2 Tutul Israél 7:14

ke mni le béléu yó kem tau mit du yóm dou boluy, ne ke heglaan le béléu, ne ke hnebel le ou, ne ke knogol le yó kem sidek gel nmò le, hnungolu lu gu ditu bè longit, ne hnifótu yó kem salà le, bud hetbasu yóm tonok le.

Kem Udél Hlalak Tehe Selumun 8:17

Bong nawaw du kihu tau kembong nawa do ne kihu tau hol mebel do tonen o.

Kmukum 4:3

Nim Sisira ni, wen syóm latu klitun bala tók gel niten bè gida ne botong lewu folò halayen kegenen alì hemsidek hmayam kul yó kem tau Israél. Omin le yó he bud hkodu bè Dwata yó kem tau Israél anì tnóbóngen lu.

Tekang Kbuten 42:21

Ne yó nmò le, stulón le, mon le, “Ni se deng kton kuy du ulék yóm tehe nmò kuy bè yóm twoli tekuy. Igò tekuy se mton du yóm tey ksidek kegnómen du ne yóm tey kehkoduhen bélê tekuy anì wen tmóbóng du, okóm là dog kenmón tekuy du. Ni se gónó kuy gemfà du nim ni.”

Lista 21:7

Ne bud le mógów ebè Musis yó kem tau ne mon le mò du, “Deng me gemsalà bè Dwata ne béléem lemwót bè yó kem tey dê udél me eta ye. Bede holi mni kum bè Dwata anì kóhen lu ni kem ulal ni.” Tahu se, mni bélê le bè Dwata Musis.

Jirimaya 3:14

“Ó kem tau là mimón, semfulék ye ebéléu ne. Ou se mfun kuy. Angat bud nwitu yu semfulék ebè yóm kuy benwu Israél lemwót gu bè yóm kdê benwu deng gónóhu e semkla kuy, sotu bélê ye angat lemwót bè yóó ne lewu se angat lemwót bè yóm benwu tuu.

Kem Lingón 107:6

Mom yó he ktaba le ebè Dwata deng wen gfà le, ne lenwaen lu lem yóm tey gónó le glayam.

Kem Lingón 107:13

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.

Kem Lingón 107:19

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.

Kem Lingón 107:28

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.