Husiya 5:1 - Udél Dwata: Gna Kesfasad ne Lomi Kesfasad

¹ “Ni hol hnungol ye, yu kem tau gel blóng ebè Dwata dalang se yóm kdéen tau Israél. Henklingu ye se kuy, kdê yó kem tau tbong tau hol geta hol hnungol ye yóm ukumu kuy ni. Deng ye megtuled ne yóm kdê ye lan ye mit kul gholot tmaba ebè yó kem dwata kéng ditu bè benwu Mispa ne bè benwu Tabur yó kem dumu ye tau Israél.

Husiya 5:1 Referans Kwoze

Mika 3:9

Ó kem tau malak bè Israél, ni mò hol hnungol ye. Deng mom kenbê ye yóm kukum tedeng ne henbaling ye sigol yóm tedeng.

Husiya 6:9

Yó nmò yó kem tau blóng ebéléu, deng le mom baling tau temmón mnagaw, sónmò le hmékét tau mò hnatay le bè yóm lan ebè Sékém, gónó le gel tmaba ebéléu.

Kmukum 4:6

Sotu kdaw hangayen Barak yóm ngà Abinuam menwu bè syudad Kédés bè tonok Naftali. Yó monen mò du, “Ni se udél hwiten ebéléem yóm sana Dwata hol gónó tekuy mogot kem tau Israél, ‘Semtifuni ditu bè Bulul Tabur sfolò libu tau hulung mit sgida lemwót bè ból Naftali ne bè ból Sibulun.

Malakay 2:1

“Duhen ni,” mon yóm Dwata laen dù là gbeken du, “wen hlauhu kuy, yu kem tau gel semblóng tau ebéléu.

Amus 7:9

Yóm gónô gónó le gel tmaba ebè yó kem dwata kéng yó kem ból Isak, angat gotu hegbau yó kem hohon le. Yó kem gónô deng hetfing le ebéléu yó kem tau Israél, angat gotu hegbau. Naw na hnotok yóm kul kogot benwu yó kem ktol Jirubuam, bede hlanu bè sudeng yó kem hohon le.”

Husiya 4:1

Ó kem tau Israél, hol hnungol ye udél yóm sana Dwata hol gónó mogot. Deng wen duónen kuy yóm kdê ye nô lem yóm kuy benwu ni, monen, “Là teneb ye béléu, laen dù kesbong nawa nô bélê ye ne laen dù bélê ye deng temngón do bè benwu ye.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”

Mika 3:1

Ó kem tau malak bè Israél, ni mò hol hnungol ye. Igò sem yu du temngón du yóm kukum tedeng bè yóm là tedengen.

Husiya 13:8

Lómón kmò ksék yóm bér ke nwa le béléen kem ngaen, lómón yó se kséku kuy. Naw gotu somok yu lómón ksomok liyun sok bitil.

Juwél 1:2

“Ó kem tuha gel malak, hol hnungol ye nim ni. Henklingu ye se kuy, yu kem kdéen tau menwu bè nim benwu ni. Yóm klawi ye tau, deng wen kô gfà ye lómón nim sut bélê ye ni, duhen ke deng wen gungol ye lómónen ni bè yóm tehe kul kdaw yó kem tehe fù tekuy ekni? Laen duen.

Kmukum 4:12

Timbow tngón Sisira yóm deng knô Barak ditu ta Bulul Tabur,

1 Samwél 7:5

Omin Samwél bud mon du, “Yu kem kdéen tau Israél, gotu ye stifun bè Mispa naw e hkodu mni bélê ye bè Dwata bè yó.”

1 Samwél 7:6

Tahu se, gotu le stifun bè Mispa. Wen él nwa le bè kokol ne kok le bè yó bè solu Dwata ne gotu le fasting bè yóm kdaw yó, benkas le bè Dwata yóm salà le, mon le, “Deng me gemsalà bè Dwata.” Ne bè yó bè Mispa gónó Samwél gel kmukum yó kem tau Israél.

1 Samwél 7:16

Ket halayen hmalak yó kem benwu bè Israél na a kmukum, hegnahen bè Bétél tmodol Gilgal, ominen bè Mispa.

Jirimaya 11:7

Bè yóm tehe kwitu kul hewà gu bè Idyip yó kem tehe fù ye, tendo eles gel hegbelu bè nawa le yóm kimón le do. Ne senged se bélê ye ni kmoen ni, tendo eles hegbelu bè nawa ye.

Amus 3:1

Ó kem tau Israél, yóm sotu kmuleng deng tehe nwit Dwata hewà gu bè Idyip, hol hnungol ye yóm udélen ebélê ye, yó monen,