Husiya 4:18 - Udél Dwata: Gna Kesfasad ne Lomi Kesfasad

¹⁸ Yó gel nmò yó kem tau Israél, ke deng gotu deng kinum le, timu óyô le mebel libun mò snamuk le. Mom nóyô le yóm gónó le myak senta ke nadat tau lu.

Husiya 4:18 Referans Kwoze

Mika 3:11

Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

Amus 5:12

Abay se deng gotu tngónu yóm alì kwen yó kem salà ye ne gotu tngónu yó kem dumu sidek gel nmò ye. Gel hen-gnok ye yó kem tau tedeng kmò le, lel ye gel ma mò wa nawa ye ne gel henseng ye bè kukum yóm kul ktahu yó kem tau élél.

Husiya 4:10

Yó kmò ktafaku kul, igò le se mken, deng le mom bitil. Igò le se smamuk bè yóm ktaba le ebè Baal, là sem wen ngà le abay se monem deng knogol le yóm sana kul Dwata hol gónó mogot lan le tmaba ebè yó kem dumu dwata.

Husiya 4:2

Gel ye hemmulà ne mò kéng ne monok, lel ye mnagaw ne mdà yehen. Tendo wen sfatay bè klamang benwu ye ne tódô sogot tau sbonok.

Jirimaya 2:21

Moen de ke lómón ni nmò ye? Igoen bè yóm tehe khuluhu kuy, lómón ke yu yóm lefà grép alì mgélék. Okóm moen se ni du ke deng ye mkél bè yóm lefà grép tmowok lem bnes laen dù bud muhen?

Kem Lingón 47:9

Gotu le stifun yó kem dumu tau hol geta mogot benwu, mung le bélê tekuy kem kun tau Dwata, yóm Dwata tehe Abraham. Dwata se hol geta senta yóm kdê tau mogot benwu. Laen kô dù bud geta sentahen.

1 Samwél 8:3

Okóm ni kem ngaen ni, là kô lolò le du yóm kun kmò kkukum mà le. Són hendem le ke gmuta le filak. Gel nwa le ke wen blay le kul mò wa nawa le ne là tedeng kkukum le.

Tekang Kbuten 38:24

Timbow deng tlu bulónen bè yó, wen tmulón du ke Juda deng mlutut Tamar yóm towuhen, ngaen bè kehdóyónen. Hetê Juda, monen, “Nwit ye hewà, ntem ye.”