Husiya 4:17 - Udél Dwata: Gna Kesfasad ne Lomi Kesfasad

¹⁷ Deng le tahu gfét bè yó kem dwata kéng yó kem tau Israél. Tódô bayà ye lu ne, hol bê ye abay gbót bè yóm nmò le.

Husiya 4:17 Referans Kwoze

Kem Lingón 81:12

Duhen yó, tódô bayau kul ne yóm kgel kulu le yó anì lolò le yóm kul knóyô.

Deng Hegfan 22:11

Yóm tau mò sidek, tódô henlósen ne yó kem sidek nmoen. Yóm tau là mólósen, tódô henlósen se kun mò du yóm là mólósen. Okóm yóm tau hyu kmoen, hol henlósen sen mò du yóm hyu. Yóm tau laen dù belenen yóm kmoen, hol henlósen mò du yóm laen dù belenen.”

Matyu 15:14

Tódô bayà ye lu yó kem Farisi yó. Hol lómón ke tau le butô tô nalak le kem dumu le butô. Ke salak honon butô, kaem angat le gotu geblos elem sol.”

Husiya 13:2

Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”

Husiya 4:4

Bud mon Dwata, “Bè yóm keglà ye ni, bê ye abay sduón, bê ye abay setdok. Ngem, yu se kem tau gel blóng ebéléu yóm dnuónu ni.

Husiya 11:2

Okóm henlelu tmaba du, henlelen se kmogol do lanen demsù ebè yó kem lennged Baal ne mtem insinsu ebè yó kem dumu dwata lennged.

Husiya 11:6

Angat wen gida bong tódô sut lem yó kem syudad le ne angat gotu genbà kem hohon le yó kem bak tikeb yó kem syudad le, omin le gotu gemlà yó kem tau nô lemen, gotu nmoen sónen yó kem sidek atul le.