Husiya 4:15 - Udél Dwata: Gna Kesfasad ne Lomi Kesfasad

¹⁵ Balù yó ne yóm benwu Israél lómón ke libun hdóyón, là teneben béléu, olon se benwu Juda ne ke hol béen abay gbót mò du kun yóm yó. Bê ye abay mógów ebè Gilgal bè benwu Israél duhen ke bè Bét-abén ke tô tnaba ye o bè yó. Ne bê ye abay gbót smafà ditu ke mon ye, ‘Mlan bè boluy yóm Dwata mowil’ abay se olon te kulit yóm nmò le yó.

Husiya 4:15 Referans Kwoze

Amus 4:4

Yó ne, henlel ye mógów ebè Bétél anì bud ye mò salà. Ne bud ye mógów ebè Gilgal anì bud temnù yóm kegsalà ye béléu. Ket hlafus ye demsù ditu ne ket blóngen tlu kdaw nwit ye yóm gesfoloen gel bad ye.

Amus 8:14

Yó kem tau gel smafà hlan le bè boluy yó kem dwata lennged bè Samarya, yóm gel mon du, ‘Hlanu bè kun klowil yóm dwata Dan,’ duhen ke mon le, ‘Hlanu bè kun klowil yóm dwata Birsiba,’ yó kem tau gel mon du yó angat le gotu masà, là kô le bud gebtik.”

Amus 5:5

Bê ye abay bud mógów ebè Bétél ne ebè Gilgal duhen ke ebè Bér-siba ke na ye e demsù ditu. Abay se yó kem tau bè Gilgal, angat gotu negef le lu mayuk ne yó kem tau bè Bétél, angat le gotu meglà.”

Husiya 5:8

Hgel ye mféw bè benwu Gibya abay se wen gida sut. Bud senged se bè Rama ne bè Bét-abén. Hol tenngel ye tekwang ye, kem sendalù lemwót bè ból Bindyamin.

Ifisus 5:11

Bê ye abay genbóy kul kmò yó kem tau tolo nô bè gónón kmifu, yakem wen se gónón e kól yóm nmò le yó. Hyu dé ke nwit tekuy lu elem yóm gónón lemayag.

Amus 6:10

Ne ke wen sotu dumu le mógów elem gónô mò ma lówó yó kem deng matay anì ntemen bè lewà, tmaba yóm tau yó ebè yóm sotu tau tolo mowil lem gónô, monen, “Tolo wen dù tau nô béléem bè yó kô?” Ne yó balaen du yóm sotu dù mowil, monen, “Laen duen.” Ne yó angat mon yóm tau tmaba, “Béi mudél, hol bê te abay bnoluy yóm boluy Dwata.”

Husiya 11:12

Yó udél Dwata, monen, “Deng le tódô gotu slibut do yó kem tau Israél gel mò kéng béléu ne gel smukat do. Ne yó kem tau bè Juda tolo lel le he matù do, yóm Dwata alì mólós ne teneb bélê le.” Là gomongen bè nili yóm tsaptér 12. Yó tulónen bè yóm tsaptér ni yóm bud kbólów. Yóm heftulón Husiya bè nawa le yóm tehe nmò yóm tehe fù le Jakub ekni, hulung smukat se kun. Okóm yóm Jakub, kóyóen ke hol tngónen Dwata ne ke nuyag Dwata. Yó nmoen, heglaan bè Dwata ne hotuhen nawahen mimón du. Kóyô Husiya bè yó kem tau Israél ke hol lolò le yóm tehe nmò yóm tehe fù le Jakub, yóm keheglaanen knóen bè Dwata ne yóm khotuhen nawahen mimón du. Dwata malak ne kemlung yó kem tau Israel efet kól bè kdê lugod le, bede yó balà le du yóm là kimón ne kegsalà ne yóm katù le du.

Husiya 4:12

Deng le mom smólók bè yó kem dwata lennged nmò le bè koyu, mò tmulón du kul yóm tô nmò le. Ofo kul mon du ke gbek yóm koyu tmulón du kul yóm angat kmoen elem hulin kdaw. Mlan bè kehdeen le yó kem dwata kéng gónó le deng mom tlas. Hol le mkél bè yóm libun hdóyón abay se deng le mung bè yó kem dwata kéng ne deng knogol le yóm sana kul Dwata.

Juswa 5:9

Yó bud udél Dwata ebè Juswa, monen, “Kemdaw ni henwósu ta ye yóm tehe kyak ye bè yóm tehe keghesek ye bè Idyip.” Ne yó gónó le moluy du Gilgal yóm benwu yó efet ni kmoen ni.

Juswa 7:2

Bè yóm knô le Juswa bè Jiriku, yó nmoen wen kem tau dóken hemkana yóm syudad Ay. Nim Ay ni, nô fi dmata kdaw Bétél moni bè Bitabin. Bè yóm deng bud kkól yó kem tau hemkana dók Juswa yó koni,

2 Tutul Israél 17:4

Són ebè yóm Dwata maen gónón e tmaba, loloen yó kem hlolò Dwata du, ne là kô loloen du yóm kul kmò yó kem tau bè benwu Israél.

2 Tutul Israél 21:11

Lelen yó he wen gónô tmaba ebè dwata kéng hdaen ta yó kem bulul bè Juda, nalaken yó kem tau bè Jirusalim ne yó kem tau bè Juda tmaba ebè yó kem dwata kéng.