Husiya 4:14 - Udél Dwata: Gna Kesfasad ne Lomi Kesfasad

¹⁴ Okóm là kô naw e tnafak kul abay se yu kem logi yóm hol tahu smamuk, gel mit kul yó kem libun hdóyón Baal yó bè yóm gel kedsù ye ebè yó kem dwata kéng. Angat ye gotu meglà, yu kem tau là hulung hedem.

Husiya 4:14 Referans Kwoze

Husiya 4:1

Ó kem tau Israél, hol hnungol ye udél yóm sana Dwata hol gónó mogot. Deng wen duónen kuy yóm kdê ye nô lem yóm kuy benwu ni, monen, “Là teneb ye béléu, laen dù kesbong nawa nô bélê ye ne laen dù bélê ye deng temngón do bè benwu ye.

Hibru 12:8

Ke là sentódô Dwata kóm, là kô ngaen kóm, tólóng tau maem. Abay se laen kô dù ngà Dwata ke là wen gónón tmedeng du.

Ifisus 4:18

Tódô kmifu lem hendem le. Laen kô dù kul du yóm lomi klowil deng blay Dwata. Là kô tngón le du yóm ktahuhen, abay se deng hgel le kulu le.

1 Kurin 6:16

Deng hónô tngón ye yóm logi, ke sentungóen yóm libun hdóyón, deng ssotu ne lówó le. Abay se deng monen bè Sulat Dwata, monen, “Ke deng sgefet lówó le yóm lewu le, deng le baling ssotu ne.”Okóm yóm tau ke deng hemtahu bè yóm gónó tekuy mogot, deng le baling ssotu ne yóm gónón mogot.

Sulat Pol Ebè Yó Kem Tau Hemtahu Bè Rom 3:11

Laen kô dù tau ke hol hulung hedem, duhen ke hol móyô tmaba ebè Dwata.

Kun Snulat Jan 8:43

Moen de ke là glileb ye du lanen yóm tulónu kuy? Yó duónen,” mon Jisas, “là móyô ye mimón du.

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Husiya 4:17

Deng le tahu gfét bè yó kem dwata kéng yó kem tau Israél. Tódô bayà ye lu ne, hol bê ye abay gbót bè yóm nmò le.

Danyél 12:10

Lemwót bè yóm tey keglayam yó kem tau bè yóm kdaw yó, yó gónón dê tau baling mólós, laen dù bud belen le. Okóm yó kem tau mò sidek tódô hlós yóm kul kmò sidek, là getnef le du kul yóm deng sut lem blóng le. Tek són yó kem tau hulung hedem temngón du.

Isaya 1:5

Moen de ke tendo gel knogol ye Dwata? Móyô ye bud tnafak kô? Tey kem tau Israél, bè ktonu kuy lómón ke deng tfeng halì kulu ye. Là buden hyu knawa ye ne kehedem ye.

Kem Udél Hlalak Tehe Selumun 28:5

Yó kem tau gel mò sidek là bud getnef le du yóm hol ktedengen, okóm kul yó kem tau gel mimón ke Dwata gotu getnef le yóm ktedengen.

2 Bok Kem Tau Hol Geta 23:7

Hegbaen snéen yó kem dfél gónó le nô yó kem logi ne kem libun hdóyón lem Gónô Dwata. Bud bè yóm dfél yó snéen gónó le mò du kem libun mewel nes Asira yóm dwata libun le.

1 Bok Kem Tau Hol Geta 15:12

Gotu kóhen lu bè Juda yó kem logi hdóyón ne libun hdóyón gel nô bè gónô yóm dwata kéng le, ne gotu kóhen snéen yóm kdê dwata lennged tehe nmò yó kem gna tau hol geta.

Husiya 5:4

Yó kem sidek tendo gel nmò ye, yó se gel hemseng kuy mulék ebè yóm kuy Dwata. Yóm nawa ye, hol lómón ke nawa yóm libun hdóyón, là bud tngón ye du ne yóm sana kuy Dwata hol gónó mogot.

Amus 2:7

Gotu ndà le lem kfung yó kem tau laen dù bang tmóbóng kul. Là kô nmò le du yóm kukum tedeng bè yó kem tau gel hen-gnok le. Botong le tódô lewu maen ne yóm ngaen logi gel semtungô yóm sotu libun, yóm alì sidek béléu, alì henyak le yóm dou boluy.

Amus 7:17

Yó gónóm mon, Amasaya, ni se udél Dwata ebéléem yó monen, Lemwót bè yóm là kóyóem hmungol, angat baling libun hdóyón yóm yehenem lem nim syudad ni ne yó kem ngaem logi ne kem ngaem libun, tódô le gotu matay bè gida. Ne gotu sensólól le yóm tonokem ne blay le bè yó kem dumu tau. Lemwót kóm, feni matay bè tólóng benwu. Angat gotu negef le lu etu yó kem tau Israél ebè benwu mayuk.”

Lista 25:3

Nbut le bè yó ne yó kem tau Israél yóm tendo kmung le tmaba ebè yóm dwata kéng boluyen Baal bè yó bè Bulul Piyor. Ya tey sidek kebut Dwata kul.