Husiya 4:13 - Udél Dwata: Gna Kesfasad ne Lomi Kesfasad

¹³ Deng le mom demsù ebè yó kem dwata kéng gu ta yó kem bulul. Mneged le eta yó kem bulul lemnek na le e mtem insinsu laan yó kem koyu alì lemimbà hangahen abay se tilob gónó hgolung laan le. Yó se gónó le baling libun hdóyón Baal yó kem ngà ye libun ne gónó le baling smamuk yó kem towu ye libun.

Husiya 4:13 Referans Kwoze

Isaya 1:29

Angat tey sidek khuli sel ye lemwót bè yóm gel ktaba ye bè yó kem koyu ne lemwót bè yóm dê hulu ye hilolen deng hetfing ye bè yó kem dwata kéng gel tnaba ye.

Amus 7:17

Yó gónóm mon, Amasaya, ni se udél Dwata ebéléem yó monen, Lemwót bè yóm là kóyóem hmungol, angat baling libun hdóyón yóm yehenem lem nim syudad ni ne yó kem ngaem logi ne kem ngaem libun, tódô le gotu matay bè gida. Ne gotu sensólól le yóm tonokem ne blay le bè yó kem dumu tau. Lemwót kóm, feni matay bè tólóng benwu. Angat gotu negef le lu etu yó kem tau Israél ebè benwu mayuk.”

Husiya 11:2

Okóm henlelu tmaba du, henlelen se kmogol do lanen demsù ebè yó kem lennged Baal ne mtem insinsu ebè yó kem dumu dwata lennged.

Husiya 2:13

Angat tnafaku bè yóm deng kehtulahen do lanen gel mtem insinsu ebè Baal ne gel leketen yó kem ngom blówónen, ominen mebel kem logi hemdóyón du,” udél yóm sana Dwata hol gónó mogot.

Jirimaya 3:13

Són olo nmò ye, hol henmóyô ye yóm deng kegsalà ye. Hen-gsel ye yóm deng kkogol ye dou, yóm sana kuy Dwata hol gónó mogot ne yóm deng kdà ye do lan ye gel tmaba ebè yó kem dwata lenbù nmò ye laan yó kem koyu lembang. Hen-gsel ye yóm là bud klolò ye do.’ Ou se yóm sana kuy Dwata hol gónó mogot nim mudél ni.”

Jirimaya 2:20

Yó bud mon yóm Dwata hol dandónen geta, “Ó kem tau Israél, deng tey legen ne yóm kekbê ye dou. Là kô nimón ye dou ne là se kô ye tmaba ebéléu. Tódô ket ta yó kem bulul geta ne ket laan yó kem koyu lembang gónó ye gel tmaba ebè yó kem dwata kéng. Lómó kmò ye dou lómón ke tau mdà yehen.

2 Bok Kem Tau Hol Geta 17:7

Yó gónón lómón ni gfà le yó kem tau Israél, lemwót bè yóm deng kegsalà le bè yóm sana kul Dwata hol gónó mogot, yóm deng lemwà kul lem hólól Faro yóm tau hol geta bè Idyip gónó le ghesek. Deng le mom tmaba ebè yó kem dwata lennged,

2 Bok Kem Tau Hol Geta 23:7

Hegbaen snéen yó kem dfél gónó le nô yó kem logi ne kem libun hdóyón lem Gónô Dwata. Bud bè yóm dfél yó snéen gónó le mò du kem libun mewel nes Asira yóm dwata libun le.