Husiya 4:12 - Udél Dwata: Gna Kesfasad ne Lomi Kesfasad

¹² Deng le mom smólók bè yó kem dwata lennged nmò le bè koyu, mò tmulón du kul yóm tô nmò le. Ofo kul mon du ke gbek yóm koyu tmulón du kul yóm angat kmoen elem hulin kdaw. Mlan bè kehdeen le yó kem dwata kéng gónó le deng mom tlas. Hol le mkél bè yóm libun hdóyón abay se deng le mung bè yó kem dwata kéng ne deng knogol le yóm sana kul Dwata.

Husiya 4:12 Referans Kwoze

Husiya 5:4

Yó kem sidek tendo gel nmò ye, yó se gel hemseng kuy mulék ebè yóm kuy Dwata. Yóm nawa ye, hol lómón ke nawa yóm libun hdóyón, là bud tngón ye du ne yóm sana kuy Dwata hol gónó mogot.

Jirimaya 2:27

Deng le gotu menmà bè yóm dwata lenbù nmò le bè koyu ne menyê le bè yóm sotuhen nmò le gu bè botu. Deng knogol le ou, okóm ke wen gfà le, bud le hkodu béléu anì lenwau lu.

Hbakuk 2:19

Hatay ye se kuy kem tau gel mudél bè yóm koyu lennged là mudélen. Gel mon ye, ‘Btiki,’ duhen ke bud mon ye bè yóm botu, ‘Mdai.’ Wen kô gbek htonen kuy yóm dwata lenbù nmò yó? Déke olo le lemafin du blówón bukay ne tahu blówón, okóm laen dù klowil nô du.

Dwata 31:16

Yó mon Dwata mò ke Musis, “Bang kukol towokem ne. Kesoki deng matay, là kô le bud teneb béléu ne yó kem tau ne angat nulé le yóm deng senfasad tekuy. Tódô knogol le ou ne tmaba le ebè yó kem dwata kéng yó kem tau nô ta yóm tonok móyón hnusek le.

Mika 2:11

Yó dô nóyô le ni kem tau ni yóm tugod Dwata tendo tmulón kéng ne tendo smukat, yóm gel mon du, ‘Eles tulónu kuy, angat tey wen tifas ye se kuy, ne tódô wen se yó kem dumu gel ninum ye.’ ”

Jirimaya 10:8

Yóm kdê le gel tmaba bè yó kem dwata lennged le hono nungel, tau laen dù tngón le. Tedu se dnalang le bè yó kem dwata koyu le?

Kem Lingón 73:27

Yó kem tau kmogol nawa kóm, Dwata, angat le gotu matay. Yó kem tau là teneb le béléem, genlaem lu.

2 Tutul Israél 21:13

Mom loloem yóm ksidek nmò yó kem tau hol geta bè Israél. Deng nwitem lu tmaba ebè dwata kéng yó kem tau bè Jirusalim ne yó kem tau bè Juda, lómón yóm tehe nmò Ahab yóm tau hol geta bè Israél. Balù yó kem hol dumum sulil lem, deng mom hnatayem lu, kem tau hyu kmò le sentahem.

Kem Lingón 106:39

Deng gholu le kul knô lemwót bè yó kem sidek gel nmò le. Ne yóm alì kóyô le tmaba bè yó kem dwata lennged, bè kton Dwata du, hol lómón ke deng le mò samuk béléen.

Husiya 14:3

Là kô gbek Asirya lemwà kum, dalang se yó kem kudà gel snakay me bè gida, là gbek le lemwà kum. Yó kem dwata lennged tehe gel nmò me, là kô bud bnoluy me kul dwata me. Là ne, abay se tek són uu, Dwata, tendo gel kmodu kul yó kem ngà hikit.”

2 Bok Kem Tau Hol Geta 17:7

Yó gónón lómón ni gfà le yó kem tau Israél, lemwót bè yóm deng kegsalà le bè yóm sana kul Dwata hol gónó mogot, yóm deng lemwà kul lem hólól Faro yóm tau hol geta bè Idyip gónó le ghesek. Deng le mom tmaba ebè yó kem dwata lennged,

Jirimaya 23:13

Yó kem tehe tugodu ebè Samarya, deng tonu yóm tey kmò le sidek. Deng mom tnugod le yóm kun boluy Baal ne deng mom nit le lu tlas yó kem dou tau Israél.

Husiya 6:10

Deng tonu bè Israél yóm alì sidek, duhen yóm gel ktaba le ebè yó kem dwata lennged deng nmò le.