Husiya 4:11 - Udél Dwata: Gna Kesfasad ne Lomi Kesfasad

¹¹ Là bud le hulung hedem ne yó kem dou tau lan le tendo gel minum ninum lóbô ne lan le tendo smamuk.

Husiya 4:11 Referans Kwoze

Kem Udél Hlalak Tehe Selumun 20:1

Yóm kesedekà ne kehfulów tau lemwót bè yóm tifas ne kem ninum lóbô ne yóm tau lengel du là kóen hulung hedem.

Kun Snulat Luk 21:34

Bud mon Jisas mò kul, “Eles ye hol temgama anì là són du yó gónón nô nawa ye bè kken ye ne bè kinum ye ne bè kmò kebel ye klowil ye. Déke tódô mekto ksuten bélê ye yóm kdaw yó igò ye là deng getgama.

Isaya 28:7

Balù yó kem tau tugod Dwata ne yó kem tau gel demsù ebè Dwata, sana gotu kegbót le hlengel se kul efet sónmò le mógów glénggé. Tey gedlug yóm gel kinum le botong le gel tlokob. Yó kem tau tugod Dwata yó, là bud gtukul le du ne ke wen tô hegfan Dwata bélê le. Ne yó kem tau gel demsù ebè Dwata, là bud gbek le kmukum du ke wen tau kmamo bélê le.

Husiya 4:12

Deng le mom smólók bè yó kem dwata lennged nmò le bè koyu, mò tmulón du kul yóm tô nmò le. Ofo kul mon du ke gbek yóm koyu tmulón du kul yóm angat kmoen elem hulin kdaw. Mlan bè kehdeen le yó kem dwata kéng gónó le deng mom tlas. Hol le mkél bè yóm libun hdóyón abay se deng le mung bè yó kem dwata kéng ne deng knogol le yóm sana kul Dwata.

Kem Udél Hlalak Tehe Selumun 6:32

Okóm yóm tau mò samuk bè tuha libun dumu tau lómón ke laen dù ledemen. Yóm tau mò du nim ni heglaen knóen.

1 Samwél 25:36

Tikóng kól bè gónô Abigil tódô glohen Nabal, wen tey ken bong nmoen, hol lómón ke du yóm sotu tau hol geta. Tey klengelen, yó gónó Abigil là tagad tmulón du du yóm deng keston le Dabid efet hlafus haya.

Kem Udél Hlalak Tehe Selumun 31:4

Hol hnungolem nim ni Lemwél, là kóen hyu kinum le yóm lemengel yó kem tau hol geta ne dalang se yó kem dumu tau mogot benwu ke hemdeen le minum.

Jirimaya 23:13

Yó kem tehe tugodu ebè Samarya, deng tonu yóm tey kmò le sidek. Deng mom tnugod le yóm kun boluy Baal ne deng mom nit le lu tlas yó kem dou tau Israél.

Husiya 5:4

Yó kem sidek tendo gel nmò ye, yó se gel hemseng kuy mulék ebè yóm kuy Dwata. Yóm nawa ye, hol lómón ke nawa yóm libun hdóyón, là bud tngón ye du ne yóm sana kuy Dwata hol gónó mogot.