Husiya 4:10 - Udél Dwata: Gna Kesfasad ne Lomi Kesfasad

¹⁰ Yó kmò ktafaku kul, igò le se mken, deng le mom bitil. Igò le se smamuk bè yóm ktaba le ebè Baal, là sem wen ngà le abay se monem deng knogol le yóm sana kul Dwata hol gónó mogot lan le tmaba ebè yó kem dumu dwata.

Husiya 4:10 Referans Kwoze

Hagay 1:6

Tey bong bnék gel hla ye, okóm tek udì guta ye du. Wen se gel ken ye, okóm là kóen kóyów ne là kô ye gemtu du. Wen se gel ninum ye, okóm bud là se kóyówen. Wen se gel nes lesek ye, okóm sana gel ketnaw ye. Ne yóm tau gel mò nmò, là kóen kóyów yóm gel gutahen mò lowil le.

Sifanaya 1:6

Angat gotu nmou són le yó kem tau deng kmogol dou, là kô le bud hloni ebéléu ne là se kô le bud halak béléu.”

Husiya 4:14

Okóm là kô naw e tnafak kul abay se yu kem logi yóm hol tahu smamuk, gel mit kul yó kem libun hdóyón Baal yó bè yóm gel kedsù ye ebè yó kem dwata kéng. Angat ye gotu meglà, yu kem tau là hulung hedem.

Isikél 18:24

Okóm ke wen tau tedeng kmoen ne mom tenfloken mò du yóm hyu ne bud nmoen yóm kdéen kenyak gel nmò yó kem tau mò sidek, hyu kô hlowil du yóm tau yó? Là, là hyuhen. Là kô bud hendemu du ne yó du kem hyu deng tehe nmoen. Angat tódô matay lemwót bè yó kem salaen.

Kem Udél Hlalak Tehe Selumun 13:25

Sal gel gsengel kkenen yóm tau tedeng kmoen, okóm yóm tau gel mò sidek són moen bitil.

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

Kem Lingón 36:3

Kdê yó kem mon le, hono sigol ne sukat. Mom kenbê le yóm khulung hedem, kenbê le mò du yóm hyu.

2 Tutul Israél 24:17

Okóm kogol yóm katay Jihuyada, mógów le ebè Juas yóm tau hol geta yó kem genlal bè Juda, ne mtud le bukol bè soluhen, nubug le anì hmungol hlau bélê le.

Jirimaya 9:12

Ominu smólók ke Dwata, “Tau du se gembek temnef du yóm angat nmoem ni? Tau du se deng tolokem anì bud hlanen bè dumu tau se kun? Moen du ke deng tódô gbayà yóm tonok lómón ke baling benwu là hyu menwu du, benwu laen dù bud tau mlan lemen?”