Husiya 3:5 - Udél Dwata: Gna Kesfasad ne Lomi Kesfasad

⁵ Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

Husiya 3:5 Referans Kwoze

Jirimaya 30:9

Yakà ou du ne lolò le yóm sana kul Dwata hol gónó mogot ne sfu Dabid yóm angat geta bélê le yóm tau deng néléku.

Isaya 2:2

Bè hulin kdaw, yóm bulul gónón mdà yóm dou Gónô alì bong muhen bè kdéen ne hol gónón kmulu yóm kdéen. Ne angat le gotu solo edu yó kem tau bè klamangen benwu.

Sulat Pol Ebè Yó Kem Tau Hemtahu Bè Rom 2:4

Déke yó hendemem là kô tnafaken kóm, abay se tey hyu nawa Dwata, là mahilen tmakas, ne tey manay nawahen. Là kô yó du. Igò yó gónó Dwata hemyu kmoen ebéléem anì wen lanen mit kóm hegsel.

Mika 4:1

Bè yó kem hol són kdaw, angat tey tótól bè klamangen benwu yóm bulul gónón nô yóm Gónô Dwata. Bè yó gónó le tmaba Dwata yó kem tau bè klamangen benwu.

Jirimaya 23:5

Yó bud udél Dwata, monen, “Angat kól yóm kdawen wen tau hol geta néléku lemwót bè ból Dabid, tey tau tedeng kmoen. Yó angat taba le du, Hanga Tedeng. Yóm tau hol geta angat néléku yó, tey hulung bè yóm kogoten tau ne hono tedeng yóm gel nmoen bè klamang yóm benwu knamalen.

Sulat Pol Ebè Yó Kem Tau Hemtahu Bè Rom 11:25

Bud wen tulónu kuy, kem dumuhu setwoli, bè yóm nmò Dwata tehe là glileb kem tau du anì là hegmón ye du yóm deng nmò Dwata bélê ye. Yóm kgel kulu yó kem tau Israél, là kóen hlós. Okóm ke deng le gotu hemtahu bè Dwata yó kem tau là Ju le, yó he angat kkóhen yóm kgel kulu le yó.

Amus 9:11

Yó udél Dwata, monen, “Bè yóm kdaw yó, angat bud hen-gulék hdau yóm tehe kun nogot Dabid. Yóm kmoen ni, yóm benwu nogot Dabid yó, hol lómón ke yóm gónô deng gbà, okóm angat bud hdau yó kem bengen ne bud huléku yóm tehe tey keklóónen.

Husiya 5:15

Ominu semfulék ebè yóm dou gónó nô ne tódô bayau lu efet dilô le yóm kegsalà le. Ke deng sidek keglayam le angat bud hnebel le o, ne bud le htóbóng béléu.”

Husiya 5:6

Nwit le kem ubiha ne kem safì mò dsù le ebè Dwata, okóm deng mom gtufì. Là bud ton le ke Dwata ne, deng tnagaken lu.

Danyél 10:14

Ni nógówu edini naw e tulón kóm yóm angat sut bè yó kem dumuhem tau Israél e lem hulin kdaw, abay se gbak e lem hulin kdaw yó kem hton Dwata kóm ni.”

Danyél 2:28

Okóm wen Dwata nô bè longit hulung hegfan du yóm gebnos ne mlan bè knahem gónón hegfan du béléem, yóm msut elem hulin kdaw. Ne ni, tulónu kóm yóm knahem ne yóm deng hton Dwata kóm bè yóm igoem hlilil bè gónóm tungô.

Jirimaya 33:17

Yakà bud ni du se yóm udél Dwata, monen, “Angat wen sfu Dabid ne yóm kyónen kmamal bè Israél laen kô dù tul sónen.

1 Bok Kem Tau Hol Geta 12:16

Timbow tngón yó kem tau Israél nô fi bwak yóm kekbê tau hol geta du yóm hni le, gotu le hetê, mon le, “Laen dù kut du yóm Dabid. Laen dù ofol tekuy béléen yóm ngà Jisi yó. Ó kem tau Israél, mulék tekuy ne. Tódô uu ne, Rihubuam, mebel du yóm dê hnihem.” Tahu se, gotu le mulék yó kem tau Israél.

Dwata 4:30

Ke deng wen glumfak ye elem hulin kdaw ne ke deng gotu gefet bélê ye ni kem monu mò kuy ni, omin ye yó he semfulék ebè Dwata ne nimón ye.

Lista 24:14

Yó bud udél Balaam ebè Balak, monen, “Ni muléke ebè yó kem dou tau, okóm gu laanu là deng lemwót, wen eles hetgamahu kóm yóm angat nmò yó kem tau Israél bè yó kem tau nogotem elem hulin kdaw.”

Jirimaya 33:9

Ne duhen yó, bè nim syudad ni gónón wen kligalu ne któtólu ne yóm kadat le dou bè klamangen benwu te tonok. Angat ton yó kem tau bè klamangen benwu yóm kehyu nmou bè yó kem dou tau ne botong le kenkel bè yóm tey klikò le.’

Jirimaya 30:24

Yóm alì kebut Dwata yó, là kóen teflok efet deng gotu deng yóm kdê atulen. Angat kól yóm kdawen gotu getnef ye kdê yó kem monu ni.”

Isaya 2:3

Ne yó angat mon le, “Lemwót tekuy ne mneged ebè yóm bulul Dwata, hlós tekuy ebè Gónô yóm Dwata yó kem tau Israél. Angat toloken tekuy yóm kun kóyô bélê tekuy ne angat lolò tekuy yó kem lan hloloen tekuy. Abay se yóm kun tolok Dwata, bè Jirusalim gónón lemwót. Bè yó gónón gel mudél ebè yó kem kun tau, bè yóm bulul gel boluy le du Sayun.”

Husiya 1:11

Ominen yó angat baling sotu benwu le yó kem tau bè benwu Juda ne yó kem tau bè benwu Israél ne sotu se tau nélék le mò mogot kul. Ne angat tey kból le ta yóm kul tonok. Ne angat tey kehligal bong bè yóm kdaw yó, yó se kun kdaw Jisriil.”

Husiya 11:10

Angat wen kdawen ou se angat lolò yó kem tauhu. Bè yóm ktabahu kul, angate mngel lómón liyun ne gotu le mulék ebéléu yó kem tauhu mung du kkel le, lemwót le bè yóm benwu fi desdef.

Isaya 60:5

Bè yóm ktonem du yóm ni angat tey kligalem, botongi gehkak. Ne yó kem kendengen bè yó kem benwu gónó le gu lemwót, gotu nwit le ebéléem. Wen se kem kendengen lemwót gu fatu mohin, gotu nwit le lu ebéléem.

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.