Husiya 2:9 - Udél Dwata: Gna Kesfasad ne Lomi Kesfasad

⁹ Yó gónóm mon bud nwahu yóm halay ne tifas grép tehe gel blayu du ket halay. Bud nwahu snéen yóm nes nmoen gu bè bul ubiha ne yóm nes bukay alì mebtes tehe gel blayu du mò nesen.

Husiya 2:9 Referans Kwoze

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Malakay 1:4

Ke yó udél yó kem sfu Iso bè Idom, ke mon le, “Baluen ke deng gotu gbà yóm benwu tekuy, bud tenlob tekuy yó kem deng gbà.” Okóm ni se udél yóm Dwata laen dù là gbeken du, monen, “Ke bud hdà le, angat bud genbau he. Yó angat boluy kem tau du yóm kul benwu, ‘Benwu hono sidek gel nmò kem tauhen.’ Yó gónóm mon, laen dù tul sónen yóm kebut Dwata kul.”

Husiya 2:3

Ke là mimónen, tódô gotu kóhu nesen anì tódô mógów laen dù nes lómón yóm hanà ksuten. Tódô tebelu anì heskélu bè yóm benwu là hyu menwu du yóm klowilen ne angat hlós matay bè kleengen.

Sifanaya 1:13

Yóm kul kimu yó kem tau yó, angat gotu negef yó kem hohon le ne yó kem gónô le gotu genbà le. Ke hdà le gónô, là kô le gnô lemen. Ke hmulu le grép, là kô bud ginum le du tifasen.

Juwél 2:14

Ke semfulék ye ebéléen, déke là hendohoen du yóm tô nmoen bélê ye ne mom bud tnóbóngen yu, hwenen tbas ye ne tifas grép ye anì wen bud blay ye ebéléen yóm sana kuy Dwata hol gónó mogot.