Husiya 2:8 - Udél Dwata: Gna Kesfasad ne Lomi Kesfasad

⁸ Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.

Husiya 2:8 Referans Kwoze

Isaya 1:3

Mom hyu he yó kem safì gotu tngón le yóm fun le. Senged se yó kem kudà gotu tngón le yóm gónón hemken kul yóm kul fun. Bede yó kem dou tau Israél là kô tngón le du kul. Bà udì ke glileb le yóm deng nmou bélê le.”

Husiya 13:2

Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”

Husiya 4:11

Là bud le hulung hedem ne yó kem dou tau lan le tendo gel minum ninum lóbô ne lan le tendo smamuk.

Sulat Pol Ebè Yó Kem Tau Hemtahu Bè Rom 1:28

Lemwót bè yóm kekbê le yóm ktahuhen gbak ebè Dwata, yó gónó Dwata tódô mayà kul. Yó gónóm mon, hono là mólósen yóm kehedem le. Ne baling le tódô galak du yó kem nmò là mólósen yó.

Kun Snulat Luk 15:13

Kogolen bè yó, fen gotu hbalù yóm ngà són twoli yóm kun kimu, ne ominen lemwót htabag, ne gotu niten yó kem filaken. Tey mayuk yóm benwu gónóhen e solu, ne tódô hotuhen óyóen mamà du bè yó kem laen muhen yóm filaken.

Hbakuk 1:16

Omin le yó tmaba dwata bè yó kem huket le ne mtem le insinsu bélê le, yakà mon le du lemwót bè huket le kun yóm kwen kendengen le ne ktilob yóm gel ken le.

Husiya 2:5

Abay se yóm yê le, libun hdóyón deng tódô mlutut hkawang, laen kô dog yaken. Yó tehe gel monen, ‘Mebele kem logi hemdóyón do, hbaluu knóu bélê le mò lanu bè kkenu ne bè kinumu, ne bè knesu yó kem nes mfól ne nes bukay mebtes ne mò lanu bè hnolo ulib.’

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Jirimaya 7:18

Lemwót yó kem ngà le, fen le ma koyu ne fen le hembong ofi yó kem mà le ne fen le mò mambang yó kem yê le mò blay le ebè yóm sotu dwata bnoluy le Libun Boi bè Longit. Bud wen se dumu ninum blay le ebè yó kem dumu dwata mò gónó le hebut do.

Isaya 46:6

Wen se yó kem tau tódô hmò le yóm kul dwata. Kok le yóm sning gónó le hemsù filak tahu blówón le ne filak mgel le, omin le tmimbang yóm keblaten. Glok le mayad yóm tau hulung temwél mò temwél yóm dwata blówón. Timbow deng, omin le mtud bukol bè soluhen ne tmaba le ebéléen.

Dwata 8:18

Hol hentulón ye nawa, kaem lemwót bè yóm sana kuy Dwata hol gónó mogot yóm kwen kendengen ye. Yó gónón mò du bélê ye yóm yó, abay se là gbeken kmifót du yóm deng senfasad le yó kem tehe fù ye.

Danyél 3:1

Yó nmò Nibukadnisar wen lennged blówón hmoen, botong lewu folò hitu mitru kegetahen ne mukas lewu mitru sóól kbong lówóhen. Hdaen bè prubinsya Babilun bè yóm datal boluyen Dura.

Husiya 13:1

Bè yóm gnan kdaw ke gel le mudél yó kem ból Ifraim, gotu le likò yó kem dumu tau Israél abay se nadat le Ifraim. Okóm yó kem ból Ifraim yó, deng le mom gemsalà lemwót bè yóm ktaba le ebè Baal ne lemwót bè yóm nmò le ni gónó le angat gotu meglà.

1 Tutul Israél 29:16

Ó Dwata yóm hol kum gónó mogot, yóm kdê ni kem tey genged deng sentifun me ni bè kehdà me yóm Gónô mò gónón megdóyón yóm kóm boluy, hono lemwót béléem, kóm se funen.

Job 19:8

Deng henseng Dwata béléu yóm lan anì là gehlóse. Deng hkifuhen yóm lanu.