Husiya 2:7 - Udél Dwata: Gna Kesfasad ne Lomi Kesfasad

⁷ Ke sok tô bud mlóy kemtes yó kem logi tehe gónóhen mung, là kô bud gafiten kul. Tey tô kebelen kul, okóm là bud tonen kul. Ominen angat mon du, ‘Tumù nawaw bud mulék ebè tum sana dou yehen abay se hyu klowilu bè yóm kdaw yó, olo yóm kmou ni.’

Husiya 2:7 Referans Kwoze

Jirimaya 2:2

“Lemwóti ne, hol heglalagem bè kdéen tau lem Jirusalim, monem mò kul, ‘Ni se udélen ebélê ye yóm sana Dwata hol gónó mogot, monen, Gtulón nawaw yóm tey tehe kteneb ye béléu bè yóm hanà klomi ye tau. Tey kbong nawa ye dou, lómón yóm libun lomi myehen, tey kbong nawahen yóm tuha logihen. Balù elem yóm benwu là hyu menwu du, yóm benwu balù udì ke wen mowil du, ewenem sana klolò ye dou.

Husiya 5:13

Bè yóm kton kem tau Israél du yóm alì kwen des le ne ton yó kem tau bè Juda yóm alì kwen halì le, lemwót Israél mógów ebè benwu Asirya ebè yóm tau hol geta bè yó tô htóbóng béléen. Okóm laen se bang tóbóngen mò bulungen kul.

Husiya 13:6

Okóm timbow ye deng gusek bè yóm tey tonok hyu ne deng wen ken ye ne deng ye bsow, deng ye mom baling hegmón, deng mom klifót ye o.

Jirimaya 14:22

Laen kô dù bè yó kem dwata kéng ke gbeken hkulón. Balù longit, là kô gbeken du hkulón ete tonok. Són uu, Dwata, ken-gel nawa me yóm hol kum gónó mogot. Tek són uu gembek mò du ni kem hni me béléem ni. Nangat me yóm któbóngem kum.

Husiya 14:1

Ó kem tau Israél, géhél ye bud semfulék ebè yóm sana kuy Dwata hol gónó mogot, yakà deng ye gotu meglà lemwót bè yó kem salà ye.

Husiya 5:15

Ominu semfulék ebè yóm dou gónó nô ne tódô bayau lu efet dilô le yóm kegsalà le. Ke deng sidek keglayam le angat bud hnebel le o, ne bud le htóbóng béléu.”

Danyél 5:21

Tódô lo le anì là buden nô lem blóng tau, baling knawa ógóf ne tódô nô lem blóng yó kem kudà asnu tabag. Mótób bè yó mkél bè safì ne tódô sónmoen wos bè amù efet nan na gtukul són yóm Dwata hol dandónen geta bè kdéen kmamal du yóm kdê benwu nogot tau ne hogoten benwu yóm tau deng kun nélék.

Danyél 4:32

Wen tódô mlo kóm anì là budi nô lem blóng tau. Tódói nô lem bnes slomong bè yó kem ógóf lem bnes, mungi mótób bnes mkél bè safì. Hitu halayem he gembunù du yóm ni efet nam gtukul Dwata yóm hol geta bè kdéen kmamal du yóm kdê benwu nogot tau ne tles hfogoten benwu yó kem tau deng kun nélék.”

Danyél 4:25

Angat lo le u anì là budi nô lem blóng tau, tódói nô lem bnes slomong bè yó kem ógóf lem bnes. Segbóti mótób bélê le mkél kótób safì ne sónmoem tendo wos bè amù. Hitu halay kegenem gembunù du nim ni efet nam gtukul són Dwata yóm hol geta kmamal yóm kul nogot yó kem tau ne hfogoten benwu yó kem tau deng kun nélék.

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Jirimaya 31:32

Yóm senfasad me ni, là mkélen bè yóm tehe kesfasad me yó kem tehe fù le bè yóm tehe kalaku kul hewà gu bè Idyip. Yóm tey kbong nawahu kul bè yóm kdaw yó hol lómón yóm tau syehen, ewenem mom nulé le yóm deng senfasad me.

Jirimaya 31:18

Deng gungolu yóm udél le hegsel yó kem tau Israél yóm kmon le du, ‘Ó Dwata, ke hningón me yóm kmoem kum, hol me mkél bè yóm safì là deng wen tmolok du dmadu. Okóm ni deng tolokem mi mimón. Hol bud hnomihem mi ne nwitem mi semfulék, yakà tek són du uu yóm sana kum Dwata hol gónó mogot.

Jirimaya 2:36

Ne sotuhen, tey dê benwu lembang deng gónó ye e semdakit mò gónó ye htóbóng. Okóm ni, bè yóm kehtóbóng ye bè Idyip gónó ye mulék myak lómón yóm tehe kehyak le kuy yó kem tau bè Asirya.

Jirimaya 2:28

Nô se lu du yó kem dwata lenbù nmò ye? Ke sok wen gfà ye, hkodu ye bélê le anì lenwà le yu ke gbek le. Ó kem tau bè Juda, yóm tey kwen yó kem benwu gónó ye nô, lómón yó se kwenen yó kem dwata ye.

Isaya 30:16

Mom yó atul ye smakay ye kudà alì mlóy anì gehlóy ye yó kem hohon ye. Ne tahu se, gehlóy ye yó kem hohon ye. Ofo kuy mon du ke alì mlóy yóm kuy kudà snakay, anì monem là. Mom yó he kem tau kemtes kuy yóm alì metlasik klóy kudà le.

Kem Lingón 116:7

Yó gónón hol mgel nawahu, abay se tey hyu yóm nmò Dwata béléu.

Husiya 2:16

Bud mon Dwata, “Ó kem tau Israél bè yóm kdaw yó, yó angat bud taba ye do ‘tuha logihu.’ Là bud tnaba ye do ‘ogotu.’

Husiya 1:2

Bè yóm tanay kehlan Dwata du ta Husiya yóm kudélen ebè kem tau Israél, yó monen mò du, “Ó Husiya lemwóti ne mebeli libun hdóyón mò yehenem, duhen yó, yó kem dumu ngaen lemwót bè dumu logi, angat le menmà béléem. Hol lómón yó se deng nmò le béléu yó kem dou tau, lómón ke hdóyón le lan le gel tmaba ebè yó kem dwata kéng.”