Biblia Todo Logo
Bib sou entènèt

- Piblisite -




Husiya 2:5 - Udél Dwata: Gna Kesfasad ne Lomi Kesfasad

5 Abay se yóm yê le, libun hdóyón deng tódô mlutut hkawang, laen kô dog yaken. Yó tehe gel monen, ‘Mebele kem logi hemdóyón do, hbaluu knóu bélê le mò lanu bè kkenu ne bè kinumu, ne bè knesu yó kem nes mfól ne nes bukay mebtes ne mò lanu bè hnolo ulib.’

Gade chapit la Kopi




Husiya 2:5
33 Referans Kwoze  

Omin Dwata bud mudél ebè Husiya, monen mò du, “Yó ne, Husiya, lemwóti nam e nangay yehenem. Bud hulékem ebéléem ne hol kenbong nawahem balù yóm deng kmungen bè yóm logi hemdóyón du, baluen ke deng ndaen uu. Hol kenbong nawam lómón yóm kbong nawahu yó kem tau Israél, balù yóm deng kebeklil le ebè yó kem dwata kéng ne yóm deng kedsù le ebélê le yó kem dsù alì megélék.”


Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.


Tehe yu ekni tey le teneb lemolò ke Dwata yó kem tau menwu bè Jirusalim. Okóm là ne ni, deng tey dê dwata kéng lolò le, hol le mkél bè yóm libun hdóyón. Yó kem tau tehe menwu bè yó hono kem tau tedeng knawa le. Okóm ni, són tau monok tebel du.


Yó tafaku kuy, tendo ye tlokob kemdaw lómón yóm gel ketlokob ye ke kifu ne gotu le gomong tlokob bélê ye yó kem tugodu. Angat genlau Israél yóm yê ye.


“Okóm ni, kem ngau hol ye hkodu bè yê ye, abay se là bud yehenu du ne là se bud yehenen do se kun. Henkodu ye béléen anì olò tenfloken yóm tendo kehdóyónen. Olò kóhen ne yóm dê suen lem uyóhen dalang se yóm nes hemyak knô gel leseken.


Yó bud mon yóm Dwata hol dandónen geta, “Ó kem tau Israél, deng tey legen ne yóm kekbê ye dou. Là kô nimón ye dou ne là se kô ye tmaba ebéléu. Tódô ket ta yó kem bulul geta ne ket laan yó kem koyu lembang gónó ye gel tmaba ebè yó kem dwata kéng. Lómó kmò ye dou lómón ke tau mdà yehen.


Yó udél Dwata, monen, “Bè kuy kehedem du, deng kenbéu yu yó kem dou tau, hol lómón yóm logi kenbéen tuha libunen? Ke lómón yó se yóm dou nmò, nô se yóm klatas deng fenmahu bè kbéu kuy yu kem dou tau? Laen duen. Kmò kehedem ye du, deng hbaluu yu kô anì nit le yu ebè benwu mayuk, hol lómón yóm tau hbaluen yó kem ngaen anì baling le hesek? Là kô yó du lewóten yóm kegef le kuy ebè benwu mayuk. Yó lewóten, duhen yóm salà ye. Yó gónóhu hdó kuy lemwót bè yóm là kimón ye yóm hlauhu.


Timbow deng legen udì bè yó, sotu kdaw gotu le stifun yó kem tau malak yó kem tau Flistin, hligal le mò ken bong ne wen tey dsù le ebè yóm kul dwata lennged boluyen Dagun. Yó mon le, “Deng hegmoen tekuy yóm kut dwata bè Samsun yóm tau hohon tekuy.”


Bè yóm tanay kehlan Dwata du ta Husiya yóm kudélen ebè kem tau Israél, yó monen mò du, “Ó Husiya lemwóti ne mebeli libun hdóyón mò yehenem, duhen yó, yó kem dumu ngaen lemwót bè dumu logi, angat le menmà béléem. Hol lómón yó se deng nmò le béléu yó kem dou tau, lómón ke hdóyón le lan le gel tmaba ebè yó kem dwata kéng.”


Bè yóm kdaw yó, balù kem libun lomi lemnok alì knóón kkólen bè yó kem logi lomi lemnok alì kemgis, gotu le lenmek bè kleeng le yóm udél Dwata.


Swiv nou:

Piblisite


Piblisite