Biblia Todo Logo
Bib sou entènèt

- Piblisite -




Husiya 2:23 - Udél Dwata: Gna Kesfasad ne Lomi Kesfasad

23 Bè yóm kdaw yó, hol lómón ke huluhu lu yó kem tau Israél ta yóm dou tonok mò hol dou nfun. Yó kem tau tehe bnoluyu ‘Là kenbong nawa’ hol hegfanu bélê le yóm kbong nawahu kul. Ne yó kem tau tehe bnoluyu ‘Là dou tau du’ yó se angat monu mò kul, ‘Yu se kem dou tau.’ Ne yó se kul balà do, mon le, ‘Uu se yóm kum Dwata.’ ”

Gade chapit la Kopi




Husiya 2:23
33 Referans Kwoze  

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”


Déke wen mon du, són kem tau Ju nogot Dwata, fen là yó kem tau là Ju le. Là kô yó du.


Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.


Angat gtulón nawa le Dwata yóm kdéen tau bè klamangen benwu. Gotu le semfulék ebéléen yó kem tau lemwót bè ket benwu talak tonok, Kdéen kay but tau talak tonok, gotu le tmaba ebéléen.


“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.


Là legenen bè yó bud mlutut Gumér ne mngà libun. Ne yó mon Dwata mò ke Husiya, “Boluyem du Lo-ruhama yóm ngà sut yó abay se là bud knoduhu kul ne yó kem tau Israél ne là se kô hnifótu yó kem salà le.


Yó bud udél Dwata, monen, “Angat kól yóm kdawen bè ni bè Israél ne bè Juda bud hbólu yó kem dou tau dalang se yó kem ógóf le.


Lu se mò dou tau ne ou se mò kul Dwata.


Yó kem tau bè Idyip, hyu ke mit le kem tembaga alì mebtes mò basa le kóm. Yó kem tau Ityupya, hyu ke hol le heglaan béléem.


Uu se yóm dou Dwata, tey keslamatu béléem. Tendo heglalagu yóm tey kegetahem.


Ne yó kem dù tau mowil bè yó kem benwu hmohon yóm benwu Jirusalim, angat le mneged ebè Jirusalim bè ket halay na le e tmaba ebè yóm Hol Geta, duhen yóm Dwata laen dù là gbeken du ne mung le bè yóm Kehligal bè Slung.Yóm benwu là mnegeden ebè Jirusalim ne là tmabahen ebè yóm Hol Geta duhen yóm Dwata laen dù là gbeken du, laen dù kulón ebè benwu le.


Angat Dwata se yóm hol geta bè klamangen benwu. Bè yóm kdaw yó laen dù dumu Dwata, tek sónen du ne tek són kun boluy gónó le gel tmaba.


Yake hol hmalay dé yóm tonok bè yóm benwu knamalen, kkólen bè yó kem bulul leneken, yake tódô tfeng hulu. Lómón kehyuhen, lómón yóm tonok gónó le gel mò hulu bè benwu Libanun. Ne yó kem syudad knamalen, yake tódô hnok tau lemen, lómón kwen le, lómón yó kem bnes tmowok.


Balù yóm deng gotu keseklahu kul bè yó kem tólóng benwu, okóm bè yó kem benwu mayuk deng gónó le nô yó, sana tolo kehedem le do bè yó. Tolo le mowil, mung kul kem ngà le ne gotu le slomong mulék ebè yóm sana kul benwu bè Israél.


Ne yó kem tólóng tau, angat sotu kun mon du, ‘Tauhe Dwata dou.’ Ne yó kem tau mon du yóm yó, angat le mung bè yó kem tau Israél. Sket kul tmugéng du bè sigel le yóm boluy Dwata. Gel mon le, ‘Ou se sotu tau Dwata.’ ”


Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.


Bè yóm kdaw yó, yu se mò dou tau ne ou se mò kuy Dwata.”


Là kô naw e kenbê kul yó kem sfu Jakub dalang se Dabid yóm tau tóbóng lówóhu. Angat wen néléku bè kun sfu Dabid mò mogot yó kem sfu Abraham, Isak ne Jakub. Yó nmou bélê le, angat bud huléku lu ebè yóm kul benwu ne tey kkoduhu kul bè yó.’ ”


Angat nolobu yu bè kdê yó kem adat là mólós ye. Ne tey kehetbasu yóm kdê hulu ye, laen dù bud tau bitil bè klamang benwu ye.


Swiv nou:

Piblisite


Piblisite