Husiya 2:22 - Udél Dwata: Gna Kesfasad ne Lomi Kesfasad

²² Ne yóm tonok, hnéféen yó kem halay ne yó kem grép ne yó kem koyu ulib alì sidek kékéngen mò balaen yóm kni le béléen. Tódô gungolem yóm tey kesegeng le semngal, yó utóm le, ‘Jisriil.’ Yó lanen, ‘Kun hulu Dwata.’

Husiya 2:22 Referans Kwoze

Juwél 2:19

Yó balaen yóm hni le, monen, “Ngem, bud henwitu yu halay ne tifas grép ne hnolo ulib ne angat tey gsengel nawa ye du. Là bud ye tau gel sendekà yó kem tólóng tau bè dumu benwu.

Husiya 1:11

Ominen yó angat baling sotu benwu le yó kem tau bè benwu Juda ne yó kem tau bè benwu Israél ne sotu se tau nélék le mò mogot kul. Ne angat tey kból le ta yóm kul tonok. Ne angat tey kehligal bong bè yóm kdaw yó, yó se kun kdaw Jisriil.”

Husiya 1:4

Ne yó bud mon Dwata mò ke Husiya, “Boluyem du Jisriil yóm ngaem sut yó, abay se móyón tnafaku yóm tau hol geta bè Israél mò beles yóm tehe kbonok yóm tehe fuen Jihu yó kem tey tau wen bè Jisriil. Angat lensónu yóm kogot le benwu yó kem sfu Jihu.

Jirimaya 31:12

Angat le semfulék ebè benwu le ne tey kehligal le semngal ta yóm bulul bè Jirusalim gónó le tmaba ebéléu. Tey kehligal le lemwót bè yó kem deng basahu kul. Wen halay ne tifas grép le ne hnolo ulib ne wen tey ngà ubiha le ne kem ngà safì le. Yóm kmò klowil le hol mkél bè yóm tonok tendo wen élen. Laen kô dù bud gónó le élél. Ne laen dù bud knangag le.

Husiya 14:7

Na le na bud heklung béléu he yó kem dou tau. Angat tey tilob klowil le, hol lómón ke yóm halay tilob ktowoken ne lómón ke yóm grép tilob kbunguhen. Angat tey któtól le, hol lómón któtól yóm tifas grép nmò le bè Libanun.

Jirimaya 24:7

Angat wen nawa hyu blayu kul anì hol dilô le ou yóm sana kul Dwata hol gónó mogot. Angat bud lu se dou tau ne bud ou se kul Dwata, abay se hol lemwót bè nawa le yóm bud kesfulék le ebéléu.

Sikaraya 8:8

Bud nwitu lu semfulék anì nô le bè ni bè Jirusalim. Lu se yó kem dou tau ne ou se kul Dwata. Là kóen na a monol yóm nawahu ebélê le ne angat hono tedeng yóm nmou bélê le.