Yó gónóhu tmulón du kuy nim ni, abay se sidek kélés nawahu kuy, hol lómón yóm kun kélés nawa kuy Dwata. Yó gónóhu e hmingón kuy, lómón ke sawang ye libun deng fen lenintihu ebè yóm sotu tau, duhen Krays.
Senged se bélê tekuy, kem dumuhu setwoli. Laen bud kwalisen ta tekuy ne yóm hlau tehe snulat Musis abay se bè yóm katay Krays, deng tekuy gomong matay béléen. Ne deng tekuy gomong bè yóm bud kehlowil Dwata du gu lem hatay. Ne yó uléken nim ni duhen yóm kwen gónón e kól yó kem nmò tekuy bè Dwata.
Yóm Dwata tehe dmimun kóm, hol lómó kmoen ebéléem hol lómón ke du yóm tuha logihem. Yó kun boluy, duhen yóm Dwata laen dù là gbeken du. Angat lenwaen uu yóm Dwata yó kem tau Israél yóm laen dù belenen. Du se yóm hol kmamal yóm klamangen.
ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”
Yó udél yóm sana Dwata hol gónó mogot, monen, “Lemwót bè yóm deng kehegsel le, angat kóhu bè yó kem dou tau yóm nawa kmogol do. Hotuhu nawahu kembong nawa kul abay se là bud lenbutu kul ne.