Husiya 2:18 - Udél Dwata: Gna Kesfasad ne Lomi Kesfasad

¹⁸ Bè yóm kdaw yó angat wen senfasad me yó kem ógóf lóbô liwà lem bnes ne yó kem onuk koyu ne kdéen mowil manaf talak tonok anì là hensidek le kuy. Bè yóm kuy benwu yó, gotu kóhu bè yó, yó kem ngom sfatay, kdê yó kem sudeng ne kem hanak, abay se laen dù bud gida bè benwu ye, anì yó tódô ye henek laen dù hemen ye.

Husiya 2:18 Referans Kwoze

Isikél 34:25

Angat wen senfasad me yó kem dou tau, duhen yóm kenek kbenwu le. Ne yó kem ógóf lóbô lem bnes nô ta yóm tonok le, gotu lohu lu mayuk ani yó gbek le tódô tungô lem dlag yó kem dou tau, laen kô dù bud knikò le.

Jirimaya 23:6

Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Isaya 2:4

Angat knukum Dwata yó kem gónó le seglius yó kem benwu lembang bè klamangen benwu. Lemwót bè yóm kkukumen kul angat tódô gotu hsól le lu dadu yó kem sudeng le. Ne yó kem buyus le angat gotu hsól le lu mò suk le hemgifat hulu. Yó gónó le mò du yóm yó abay se là kô le bud sgida ne yó kem tau bè klamangen benwu. Ne là bud tolok le du bè kem tau le yóm kmò kesgida.

Kem Lingón 46:9

Tenfloken yó kem tau sgida bè klamangen benwu. Gotu tenfoken yó kem boho le, ne hensideken yó kem buyus le. Gotu nlóben yó kem klung le.

Isaya 65:25

Yó kem ógóf lóbô lem bnes ne yó kem ngà ubiha, angat le tódô gotu segbót mken. Yó kem liyun, angat le baling mótób lómón safì. Ne yó kem ulal, laen dù bud knikoem bélê le ne. Bè yóm dou bulul Sayun yó, laen dù bud hemsidek tau bè yó ne laen kô dù bud sidek bè yó snéen.”

Job 5:23

Ne baluen ke alì bnotu yóm dnaduhem laen dù gónó le sidek yó kem huluhem. Dalang se yó kem ógóf lóbô lem bnes laen dù bélê le hemsidek kóm.

Sikaraya 14:9

Angat Dwata se yóm hol geta bè klamangen benwu. Bè yóm kdaw yó laen dù dumu Dwata, tek sónen du ne tek són kun boluy gónó le gel tmaba.

Sikaraya 14:4

Bè yóm kdaw yó, angat mdà ta Bulul Ulib Dwata, yóm bulul fi dmata kdaw Jirusalim. Ne yóm Bulul Ulib yó, tódô meskang bè gónón sóól, baling datal lamang lenwóten fi dmata kdaw kól desdef. Yóm sóól yóm bulul yó tódô mili fi bwak ne yóm sóólen tódô mili fi leged.

Sikaraya 3:10

Bè yóm kdaw yó, tódô sotu kun tminok ebè yóm kun dumu sebét na le e hligal, hnigal le yóm kenek kbenwu le ne yóm kehyu klowil le, udél yóm Dwata laen dù là gbeken du.”

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Jirimaya 33:16

Bè yóm kdaw yó angat gewà yóm benwu Juda ne angat menek yóm syudad Jirusalim. Ne yó angat tendo mon yó kem tau nô lemen, ‘Dwata se yóm mit tekuy tedeng.’ ”

Jirimaya 30:10

Ó kem dou tau, hol bê ye abay hlikò. Kem tau Israél, hol bê ye abay htafa nawa ye. Yakà bud nitu kuy semfulék ebè benwu ye gu bè yó kem tey benwu mayuk. Yó kem ngà ye, tebel le ne yóm benwu gónó le e megef kul. Angat le semfulék yó kem tau Israél ne angat menek kbenwu le ne laen kô dù bud knikò le.

Isaya 26:1

Angat kól yóm kdaw klingón le du yó kem tau nô bè Juda yóm lingón ni, yóm monen, Tey mbegel yóm syudad tekuy, Dwata se kemlung du mò henged beng hilolen.

Isaya 2:17

Bè yóm kdaw yó, angat gesón yóm kehegmón tau ne yóm kehegeta le knô. Ne yó kem dwata kéng deng gel nmò le là kô bud tonem kul ne. Tek són sem Dwata yóm hol hegeta bè yóm kdaw yó.

Isaya 2:11

Bè yóm kdaw yó, angat tódô gesón yóm alì kehegmón tau ne yóm alì keheklabak le. Tek són sem Dwata yóm hol geta bè yóm kdaw yó.

Kem Lingón 23:2

Yóm kesegyoken dou, hol lómón ke yóm tau tilob kesegyoken yó kem ógófen. Sal gel hótóben lu bè yóm gónóhen mabù bnes efet le tódô tmakas, ne tódô le kem hlilil hegnô. Sal gel nalaken lu ebè yóm él tikaw mò gónóhen hinum kul. Hol lómón yó se kesegyok Dwata dou.

Sikaraya 9:10

Bud mon Dwata, Angat gotu kóhu bè benwu Israél yó kem klitun tók gel nwit le sgida ne angat kóhu bè Jirusalim yó kem kudà gel nwit le ebè gida ne angat gotu genbau yó kem ngom sfatay gel nwit le ebè gida. Yóm tau angat geta bélê ye, du se mit kenek kbenwu bè klamangen. Yó klamang nogoten, tódô lenngeben klamang benwu ne bud lenwóten bè Él Yufratis efet kól bè són tonok.

Job 5:22

Mom knulihem yóm keglà ne yóm kbitil. Ne là kói likò du yó kem ógóf lóbô lem bnes.

Kem Lingón 148:10

Ne kdéen ógóf mayal ne ógóf tnomò, kdéen kmadaw bè tonok ne kdéen onuk koyu, hol gel dóyón ye Dwata se kuy.

Isaya 32:18

Yó kem tau Dwata, angat laen dù bud tnafa nawa le. Tódô menek lem yóm kul gónô nô, laen dù bang knikò le.

Isaya 54:5

Yóm Dwata tehe dmimun kóm, hol lómó kmoen ebéléem hol lómón ke du yóm tuha logihem. Yó kun boluy, duhen yóm Dwata laen dù là gbeken du. Angat lenwaen uu yóm Dwata yó kem tau Israél yóm laen dù belenen. Du se yóm hol kmamal yóm klamangen.