Husiya 2:15 - Udél Dwata: Gna Kesfasad ne Lomi Kesfasad

¹⁵ Ke deng semfulék ebéléu, angat bud huléku ebéléen yó kem tehe gónón mulu grép. Ne yóm benwu boluy le du Datal Gónô Glayam, angat henbalingu benwu gónón lemwót yóm kwen nefet nawahen. Bè yó angat gónón bud semfulék ebéléu lómón yóm tehe nmoen bè yóm hanà kegenen lomi libun bè yóm tehe kehewau du gu bè Idyip.”

Husiya 2:15 Referans Kwoze

Jirimaya 2:2

“Lemwóti ne, hol heglalagem bè kdéen tau lem Jirusalim, monem mò kul, ‘Ni se udélen ebélê ye yóm sana Dwata hol gónó mogot, monen, Gtulón nawaw yóm tey tehe kteneb ye béléu bè yóm hanà klomi ye tau. Tey kbong nawa ye dou, lómón yóm libun lomi myehen, tey kbong nawahen yóm tuha logihen. Balù elem yóm benwu là hyu menwu du, yóm benwu balù udì ke wen mowil du, ewenem sana klolò ye dou.

Husiya 11:1

Yó udél yóm sana Dwata hol gónó mogot, monen, “Bè yóm hanà tolo kegenen ngà Israél, tey kbong nawahu du ne botong tnabahu gu bè Idyip yóm ngau logi yó.

Juswa 7:26

Tikóng deng gotu hkekeb le lu, tey botu snuduk le ta le ne efet nim kmoen ni sana knóen bè yó, yó kem botu yó. Lemwót bè yóm gfà le Akan bè yó, yó gónó le moluy du Datal Gfà yóm datal yó efet ni kmoen ni. Ominen yó he mkó ta yó kem tau Israél yóm tey kebut Dwata kul.

Kul Nmò 14:27

Bè yóm deng kkól le bè Antyok, gotu sentifun le yó kem tau hemtahu, ne gotu tulón le kul se yóm deng nmò Dwata hlanen bélê le. Gotu tulón le yóm nmò Dwata mò gónó le hemtahu bè Jisas se kul yó kem tau là Ju le.

Kun Snulat Jan 10:9

Ou se yóm henged bak tikeb,” mon Jisas. “Yó se mlan bè yóm bak tikeb yó, angat gewà gu lem hatay. Hol lómón ke du yóm ubiha gel hewà na a mótób ne bud gel husek elem kukuben.

Amus 9:14

Yó kem dou tau deng tehe negef le mayuk, angat bud nwitu lu mulék ebè yóm kul tonok. Bud hdà le yó kem syudad le deng gbà ne bud le menwu du. Ne bud le mulu grép bè yó ne bud ginum le tifas le. Ne bud le mò hulu bè yó ne bud gken le yó kem bunguhen.

Isaya 65:21

Ke hdà le gónô yó kem tau bè yó, hlós le nô lemen. Laen dù bud tólóng tau tles nô lemen. Wen tey grép hulu le ne hligal le minum du yóm élen. Laen dù bud tólóng tau minum du. Tey tahà klowil le lómón ktahà klowil yó kem koyu. Ne tey gsengel nawa le du yóm leniteg le.

Sikaraya 9:12

Ó kem tau negef, deng wen nefet nawa ye ne ni, hol ye bud semfulék ebè yóm sana kuy benwu, yóm benwu gónón laen dù hemen ye. Wen fasadu kuy kemdaw ni, lewu duléku he bud hulék du ebélê ye yóm tóbóngu kuy bè ket keglayam ye.

Lanu Jirimaya 3:21

Igou hemdem du yóm kgelen, bud gehedemu yóm kwen nefet nawahu,

Jirimaya 32:15

Yakà yó udél yóm Dwata laen dù là gbeken du yóm Dwata yó kem tau Israél, monen, elem hulin kdaw bè nim benwu ni, angat wen sebli gónô ne sebli gónó mulu grép ne sebli tonok.”

Kem Lingón 106:12

Omin yó kem tau yó he hemtahu yó kem fasaden kul, ne sngal le yó kem sngal dmóyón du.

Husiya 2:12

Angat gotu hensideku yó kem gónóhen gel mulu grép ne gónón mulu fig, yóm gel monen bayad le du yó kem hemdóyón du. Angat gotu henbalingu bnes mget yóm kdéen ne són kem ógóf lóbô lem bnes mótób du.

Kem Lingón 129:1

Lemwót bè hanà kudiu yóm tendo kehsidek le do yó kem hohonu, ni se yóm mon yó kem tau Israél,

Jirimaya 2:1

Yó bud udél Dwata ebéléu mon Jirimaya,

Jirimaya 29:11

Yakà dengen wen kem dou atul bélê ye, hono kem atul hyu, là kô gfà du, kem atul hyu bè klowil ye elem hulin kdaw mò nefet nawa ye.

Husiya 13:4

“Ou se yóm sana kuy Dwata hol gónó mogot, yóm deng tehe lemwà kuy gu bè Idyip yóm benwu tehe gónó ye ghesek. Laen dù dumu Dwata ye, tek sónen o. Laen dù dumu lemwà kuy, tek sónen o.

Kmukum 8:34

Ne là bud lolò le du yóm sana kul Dwata hol gónó mogot, yóm deng lemwà kul lem hólól yó kem hohon le hmilol kul.

1 Bok Kem Tau Hol Geta 16:31

Tey mahil béléen lemolò du yóm kdê salà nmò Jirubuam ngà Nibat, ne yó sidek bud gotu nmoen yóm kyehenen ke Jisébél yóm ngà boi Itbaal yóm tau hol geta bè Sidon, ne gbót tmaba ebè yóm kul dwata kéng boluyen Baal.