Husiya 2:14 - Udél Dwata: Gna Kesfasad ne Lomi Kesfasad

¹⁴ Yó bud udél Dwata, monen, “Okóm ni, naw bud n-goy sulék, nwitu etu bè yóm benwu là hyu menwu du, naw bud hninggel stulón du.

Husiya 2:14 Referans Kwoze

Deng Hegfan 12:6

Kewóten se kun yóm libun yó, mlóy etu bè tum benwu laen dù tau menwu du. Yóm benwu deng eles hentifes Dwata béléen mò gónón semgyok du efet deng yóm tlu halay bud sóól.

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Deng Hegfan 12:14

Okóm wen hafak blay Dwata du yóm libun yó, lómón hafak yóm banug bong anì tódô móyóng etu bè yóm benwu laen dù tau menwu du, ne bè yó gónón wen tendo semgyok du efet tlu halay sóól. Laen kô dù bud gmoen béléen bè yó yóm swaga.

Tekang Kbuten 34:3

Okóm tey kbong nawa Sékém ke Dina yóm ngà Jakub libun yó. Tey kehlinggelen stulón du anì wen nawa Dina ebéléen se kun.

Kun Snulat Jan 6:44

Laen kô dù tau tódô mógów ebéléu ke là nan na lemwót bè Mà, yóm hógów do edini. Yóm tau mógów ebéléu, angat hlowilu sok kól yóm hol són kdaw.

Husiya 2:3

Ke là mimónen, tódô gotu kóhu nesen anì tódô mógów laen dù nes lómón yóm hanà ksuten. Tódô tebelu anì heskélu bè yóm benwu là hyu menwu du yóm klowilen ne angat hlós matay bè kleengen.

Jirimaya 2:2

“Lemwóti ne, hol heglalagem bè kdéen tau lem Jirusalim, monem mò kul, ‘Ni se udélen ebélê ye yóm sana Dwata hol gónó mogot, monen, Gtulón nawaw yóm tey tehe kteneb ye béléu bè yóm hanà klomi ye tau. Tey kbong nawa ye dou, lómón yóm libun lomi myehen, tey kbong nawahen yóm tuha logihen. Balù elem yóm benwu là hyu menwu du, yóm benwu balù udì ke wen mowil du, ewenem sana klolò ye dou.

Kun Snulat Jan 12:32

Ke deng hdà le ou eta bè yóm kros,” mon Jisas, “yó se mò lanu mit kdéen tau mò lemolò do.”

Mika 4:10

Ó kem tau bè Jirusalim, hol ye mngawóy dé lómón yóm libun kmuleng blututen, abay se deng bang ktebel ye du ne yóm syudad ni, ditu gónó ye bud kmamfù bè yó kem lan. Angat negef le yu etu bè benwu Babilun. Okóm bè yó gónó Dwata bud lemwà kuy gu lem hólól yó kem hohon ye, ne bè yó bud gónón msok kuy.

Isaya 5:5

Ni se angat nmou bè yó kem huluhu yó. Angat kóhu labaten ne gotu lenbau yóm beng mbegel hilolen anì wen lan le elemen yó kem ógóf lem bnes ne anì ken le ne snóyów ndà le.

Jirimaya 45:4

Okóm Baruk, ni se udél Dwata ebéléem, monen, Angat gotu genlau nim benwu deng tehe hdau ni. Gotu kendutu lu yó kem tau deng tehe huluhu.

Mika 1:7

Kdê yó kem dwata lennged nmò le bè yó, angat gotu lenusok yó kem hohon le. Kdê yó kem alì mebtes tehe gel blay le ebè yó kem libun hdóyón henek nô bè yó, tódô gotu mlób bè ofi. Gotu genbau kdê yó kem dwata lennged le. Ni kem ni hono bli yóm filak gel blay le ebè yó kem libun hdóyón tódô henek bè yó ne bud gotu nwit le lu yó kem hohon le mò bayad le yó kem libun hdóyón bè kul benwu.”