Husiya 2:13 - Udél Dwata: Gna Kesfasad ne Lomi Kesfasad

¹³ Angat tnafaku bè yóm deng kehtulahen do lanen gel mtem insinsu ebè Baal ne gel leketen yó kem ngom blówónen, ominen mebel kem logi hemdóyón du,” udél yóm sana Dwata hol gónó mogot.

Husiya 2:13 Referans Kwoze

Husiya 13:6

Okóm timbow ye deng gusek bè yóm tey tonok hyu ne deng wen ken ye ne deng ye bsow, deng ye mom baling hegmón, deng mom klifót ye o.

Husiya 13:1

Bè yóm gnan kdaw ke gel le mudél yó kem ból Ifraim, gotu le likò yó kem dumu tau Israél abay se nadat le Ifraim. Okóm yó kem ból Ifraim yó, deng le mom gemsalà lemwót bè yóm ktaba le ebè Baal ne lemwót bè yóm nmò le ni gónó le angat gotu meglà.

Husiya 11:2

Okóm henlelu tmaba du, henlelen se kmogol do lanen demsù ebè yó kem lennged Baal ne mtem insinsu ebè yó kem dumu dwata lennged.

Jirimaya 7:9

Igò ye gel mnagaw ne monok ne mò samuk. Gel ye smafà kéng ne deng ye mom demsù ebè Baal ne deng ye mom tmaba ebè yó kem dwata là deng kuy hnikót tngón du.

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Husiya 4:13

Deng le mom demsù ebè yó kem dwata kéng gu ta yó kem bulul. Mneged le eta yó kem bulul lemnek na le e mtem insinsu laan yó kem koyu alì lemimbà hangahen abay se tilob gónó hgolung laan le. Yó se gónó le baling libun hdóyón Baal yó kem ngà ye libun ne gónó le baling smamuk yó kem towu ye libun.

Husiya 2:7

Ke sok tô bud mlóy kemtes yó kem logi tehe gónóhen mung, là kô bud gafiten kul. Tey tô kebelen kul, okóm là bud tonen kul. Ominen angat mon du, ‘Tumù nawaw bud mulék ebè tum sana dou yehen abay se hyu klowilu bè yóm kdaw yó, olo yóm kmou ni.’

Husiya 2:5

Abay se yóm yê le, libun hdóyón deng tódô mlutut hkawang, laen kô dog yaken. Yó tehe gel monen, ‘Mebele kem logi hemdóyón do, hbaluu knóu bélê le mò lanu bè kkenu ne bè kinumu, ne bè knesu yó kem nes mfól ne nes bukay mebtes ne mò lanu bè hnolo ulib.’

Jirimaya 23:2

Ni se bud udél Dwata yóm Dwata yó kem tau Israél, ebè yó kem tau tô halaken yó kem kun tau, monen, “Lemwót bè yóm deng kesekla ye kul yó kem dou tau deng mom lo ye lu, là kô dog sen-gyok ye kul, yó gónów tmafak kuy bè yóm sidek deng nmò ye bélê le.

Jirimaya 18:15

Okóm yó kem dou tau, deng klifót le ou. Gel le mtem insinsu mò hboo le bè yó kem dwata kéng laen dù muhen. Deng mom senyat le yóm lan hyu tehe hlolò Dwata kul, mom yó lolò le yóm lan hono hitok.

Jirimaya 2:32

Yóm ngà libun, gbeken kô kmifót du yóm ngom blówónen? Ne yóm libun myehen, gbeken kô kmifót du yóm nes mò leseken? Hol mou kun ne ke tô klifót le. Okóm yó kem dou tau deng kem hilu halayen ne yóm keklifót le dou.

Kem Lingón 106:21

Deng klifót le Dwata yóm lemwà kul, yóm deng mò yó kem hentaw ton bè Idyip,

Kem Lingón 106:13

Okóm là legenen bè yó, sana bud klifót le yóm deng nmoen, ne là kô hangat le du yóm hlauhen kul.

Kem Lingón 78:11

Deng klifót le yóm deng nmò Dwata, yó kem tey hentaw ton deng hegfanen bélê le.

2 Bok Kem Tau Hol Geta 1:2

Sotu kdaw, membel kebtang Ahasaya, yóm lomi tau hol geta bè benwu Israél, gu ditu ta bè yóm klóón nmò le bè gónón hnos ta yóm gónô bongen bè Samarya ne tey sidek kegnómen du. Yó gónón wen kem tau hógówen ebè Baal-sibub yóm dwata lennged yó kem tau bè Ikrun, anì snólók le béléen ke mowil du.

1 Samwél 12:9

Okóm yó kem tehe fù ye yó deng mom klifót le yóm sana kul Dwata hol gónó mogot ne yó gónó Dwata hemlus kul elem tdok Sisira, yóm kmandér bè yó kem sendalù Jabin yóm tau hol geta bè benwu Hasor ne bud hlusen lu elem tdok yó kem Flistin ne elem tdok yóm tau hol geta bè Muab.

Dwata 32:18

Botong klifót le yóm kul Dwata yóm mà le, yóm là monol nawahen ebélê le, yóm deng hlowil kul.

Dwata 6:12

hol ye eles temgama anì là klifót ye du yóm Dwata tehe hewà kuy gu bè Idyip, bè yóm benwu gónó ye ghesek.

Kehewà 32:34

Lemwóti ne, nalakem yó kem tau ebè yóm benwu deng tulónu kóm. Hentulónem nawa wen hógówu gu bè longit mò tukô gna kóm. Okóm angat kól yóm kdawu tmafak kul ni kem tau ni lemwót bè yóm salà deng nmò le.”

Jirimaya 7:34

Bè yó kem syudad bè Juda ne bè yó kem lan bè Jirusalim, angat nmou sónen yóm kehligal le bè yó. Dalang se yóm udél yó kem tau lomi myehen, angat nmou sónen. Abay se nim benwu ni, angat henbalingu benwu laen dù tauhen.”

Amus 8:10

Yóm gel kehligal ye mken bè dou Gónô, angat henbalingu klangag ye ne yóm gel kehligal ye semngal, henbalingu kik ye. Lemwót bè klangag ye gónó ye lemsek nes sakù ne gotu tenbulud ye wek ye, lómón yó kem tuha nodung le yóm tek sotu ngà le logi. Ya tey sidek khééten yóm kdaw yó.”