Husiya 2:11 - Udél Dwata: Gna Kesfasad ne Lomi Kesfasad

¹¹ Angat nmou sónen yóm kdê kestifun gel nmoen, yóm gel kehligalen ket halay, yóm gel kehligalen ket bulón bè yóm ksut yóm lomi bulón ne yóm gel kehligalen ket fedyan bè Kdaw Kehegnô kkólen bè yó kem dumu kdawen gel hligal, angat lensónu.

Husiya 2:11 Referans Kwoze

Amus 5:21

Yó udél Dwata, monen, “Tey sidek kekbéu du yó kem gel kehligal ye tmaba ebéléu. Là bud gbeku hembala du ne yóm gel kesbung ye.

Amus 8:5

Gel hendem ye, “Hyu ke géhél deng yóm kestifun tekuy bè yóm lomi bulón ni anì géhél tekuy bud hembalù halay. Hyu ke géhél deng yóm Kdaw Kehegnô anì géhél tekuy bud hembalù. Omin tekuy hol hebtes du yóm hbalù tekuy ne gmantang tekuy bè yóm gantang kmulang ne tmimbang tekuy bè yóm timbang lemugì.

Jirimaya 7:34

Bè yó kem syudad bè Juda ne bè yó kem lan bè Jirusalim, angat nmou sónen yóm kehligal le bè yó. Dalang se yóm udél yó kem tau lomi myehen, angat nmou sónen. Abay se nim benwu ni, angat henbalingu benwu laen dù tauhen.”

Nahum 1:10

Yó kmò ktonen kul yó kem hmohon du yó, lómón ke yó kem bnes skebeng alì semnual ne lómón yóm tau lengel glénggé mógów. Yó angat kmoen kul, gotu ntemen lu. Lómó ktemen kul, lómón yó kem lami deng mékéng bè tniba.

Amus 8:3

Bè yóm kdaw yó, yóm kesngal le lem Gónô Dwata angat baling ngawóy le. Tódô hgasà tau matay bè gida. Tódô bot le lu bè lewà yóm syudad, balù sekteb ke wen mudél. Ou se yóm Dwata hol dandónen geta nim mudél ni.”

Husiya 3:4

Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.

Jirimaya 25:10

Laen kô dù bud kligal le semngal ne là se bud le kmuli. Là bud gungolem du ne yóm gel kehligal le bè gónó mulu. Yó kem udél swa le laen duen ne. Yó kem gónô le laen dù tauhen lelen kmifu lemen.

1 Bok Kem Tau Hol Geta 12:32

Yó sotu bud nmò Jirubuam, bud hetfingen yóm sotu kdaw mò kul kehligal yó kem tau bè Bétél. Hnigal le nim ni bè yóm gesfoloen limu kdaw bè yóm gwoluhen bulón, lómón yóm gel Kehligal bè Slung gel nmò le bè Juda. Bè yóm gónó gel demsù bè Bétél, wen dsuen se kun ebè yó kem safì tahu blówón deng hmoen. Ne bè yó bè Bétél wen kem tau gel demsù néléken mò demsù bè yó kem gónó demsù deng hdaen.

Husiya 5:7

Abay se là kô le henek bè Dwata. Là kô ke Dwata du funen yó kem ngà le, tódô ngà le hkawang. Duhen ni, lemwót bè yóm ktaba le ebè dwata kéng gónó le meglà, gomong tonok le.