Husiya 2:10 - Udél Dwata: Gna Kesfasad ne Lomi Kesfasad

¹⁰ Angat tódô hdau là lemwék bè gónón wen, igò le temngel du yó kem tehe gel hemdóyón du. Ne laen kô bang tô gembek lemwà du lem tdoku.

Husiya 2:10 Referans Kwoze

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Mika 5:8

Yó kem dù mowil bè yó kem tau Israél menwu lem blóng yó kem tólóng benwu tey kekgis le, lómón kgis yóm liyun senta yó kem dumu ógóf nô lem dlag, tódô sut bè yóm gónó le mótób yó kem ubiha tódô kemfô bélê le, ominen msék kul ne laen kô dù gembek semkot du béléen.

Husiya 2:3

Ke là mimónen, tódô gotu kóhu nesen anì tódô mógów laen dù nes lómón yóm hanà ksuten. Tódô tebelu anì heskélu bè yóm benwu là hyu menwu du yóm klowilen ne angat hlós matay bè kleengen.

Kem Udél Hlalak Tehe Selumun 11:21

Ngem! Yó kem tau gel mò sidek là kô lugun Dwata kul là tnafak, okóm yó kem tau tedeng kmò le gewà.

Kem Lingón 50:22

Ni mò hendem ye, yu kem tau là bud hemdem dou. Ke là hnungol ye dou, gotu nséku yu, ne laen dù bud lemwà kuy.

Husiya 6:9

Yó nmò yó kem tau blóng ebéléu, deng le mom baling tau temmón mnagaw, sónmò le hmékét tau mò hnatay le bè yóm lan ebè Sékém, gónó le gel tmaba ebéléu.

2 Tutul Israél 24:7

Bè yó kem gnan halay, tódô le husek elem Gónô Dwata yó kem tau lemolò ke Atalaya yóm libun alì sidek nmoen, ne gotu nwa le yó kem kimu nô lem yóm Gónô Dwata deng tehe hetfing le ebè Dwata, mò ngom le bè yóm ktaba le ebè Baal.

Husiya 13:1

Bè yóm gnan kdaw ke gel le mudél yó kem ból Ifraim, gotu le likò yó kem dumu tau Israél abay se nadat le Ifraim. Okóm yó kem ból Ifraim yó, deng le mom gemsalà lemwót bè yóm ktaba le ebè Baal ne lemwót bè yóm nmò le ni gónó le angat gotu meglà.