Husiya 14:9 - Udél Dwata: Gna Kesfasad ne Lomi Kesfasad

⁹ Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Husiya 14:9 Referans Kwoze

Kem Udél Hlalak Tehe Selumun 10:29

Dwata mò gónó le e mlo yó kem tau tedeng kmò le, okóm yó kem tau gel mò sidek bud du se gónó le meglà.

Kem Lingón 107:43

Yó kem tau hulung hedem, hol hendem ye ni kem deng tulónu kuy ni koni. Hol hendem ye yóm là konolen yóm kbong nawa Dwata kuy.

Kun Snulat Jan 8:47

Yóm kun tau Dwata, hol hnungolen yóm udél Dwata. Okóm kuy, là kô ye tau Dwata. Yó se gónó ye là móyô hmungol.”

Danyél 12:10

Lemwót bè yóm tey keglayam yó kem tau bè yóm kdaw yó, yó gónón dê tau baling mólós, laen dù bud belen le. Okóm yó kem tau mò sidek tódô hlós yóm kul kmò sidek, là getnef le du kul yóm deng sut lem blóng le. Tek són yó kem tau hulung hedem temngón du.

Sifanaya 3:5

Okóm yóm Dwata, sana knóen bè yó lem syudad le, laen kô dù sidek nmoen. Tódô ket kdawen mò du yóm tedeng bè yó kem kun tau, okóm là kô dilô le du. Laen kô gónó le myak yó kem tau gel mò sidek.”

Jirimaya 9:12

Ominu smólók ke Dwata, “Tau du se gembek temnef du yóm angat nmoem ni? Tau du se deng tolokem anì bud hlanen bè dumu tau se kun? Moen du ke deng tódô gbayà yóm tonok lómón ke baling benwu là hyu menwu du, benwu laen dù bud tau mlan lemen?”

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Kun Snulat Jan 18:37

Mon Paylét se, “Ke lómón se yó, tauhi hol geta kô?” Bud mon Jisas se, “Tahu se yóm monem yó, tauhe hol geta. Yó se gónóhu sut lem benwu ne hbaling tau anì naw e tulón yóm hol ktahuhen. Yó se tau móyô lemolò yóm ktahuhen, yó se yóm tau móyô hmungol yóm dou tulón.”

Isaya 26:7

Tey hyu, Dwata, yóm lan nmoem bè yó kem tau hyu kmò le, tey sdatal yóm lan lolò le.

Kem Lingón 119:128

Lemwót bè yóm ktedeng yóm ket hlauhem, yó gónóhu meklit du yó kem sidek nmò tau.

Kem Lingón 119:75

Tngónu, Dwata, tedeng yóm kkukumem. Yó gónóm semtódô do abay se wen muhen béléu.

Tekang Kbuten 18:25

Bè ktahuhen là kô na a yó du nmoem ke tô homong hnatayem lu yó kem tau tedeng bè yó kem tau sidek nmò le. Ke yó nmoem, deng le mom gomong megtafak yó kem tau tedeng bè yó kem tau sidek nmò le. Hol mou kun ne yóm fen kmukum yóm kdéen tau bè klamangen benwu ke tô là tedeng kkukumen.”

Sulat Pol Ebè Yó Kem Tau Hemtahu Bè Rom 7:12

Duhen yó, yóm hlau tehe snulat Musis yó laen dù kô belenen. Tey ktedengen, lelen alì hyu.

Kun Snulat Jan 15:24

Ke là se deng nmou du lem blóng le yó kem hentaw ton là deng hnikót gel nmò kem tau du, là kô duón Dwata du kul yóm salà le yó. Okóm ni deng gotu ton le, deng mom knutó nawa le o lewu me Mà.

Kun Snulat Jan 9:39

Ne yó bud mon Jisas, monen, “Ni se nógówu elem benwu anì sentólóngu kem tau. Htonu yó kem tau butô, ne hbutóu yó kem tau mton.”

Kun Snulat Luk 7:23

Tey kligal le kul yó kem tau ke là megewu nawa le dou.”

Kun Snulat Luk 2:34

Omin Simyun mni bè Dwata bélê le. Ne ominen mon du mò ke Midi, yóm yê Jisas, monen, “Nim ngà ni, deng eles nélék Dwata mò gónóhen lemwót tmafak yó kem dumu tau Israél, ne mò gónón lemwót lemwà kul gu lem hatay yó kem dumu. Du se ilô lemwót gu bè Dwata, okóm angat tey dê tau semkbê du.

Matyu 11:19

Bè yóm deng kkól yóm Ngà Tau, gel mken se kun ne gel minum lómón se yóm kuy. Okóm mom senlón ye, gel mon ye, ‘Ngem dé yóm tau yóó, bong kkenen, ne bong kinumen. Deng mom niten swè yó kem tau gel mtuk bwis ne yó kem dumu tau gemsalà.’ Ewenem,” mon Jisas, “sana kegfanen bè klowil yóm tau mimón yóm khulung Dwata mit tau.”

Isikél 18:25

Okóm mom yó udél ye, mon ye, ‘Là kóen tedeng yóm nmò Dwata yó.’ Ó kem tau Israél, hol hnungol ye ou. Là tedengen kô yóm dou nmò? Kaem yó dém kuy nmò yóm là tedengen.

Isaya 1:28

Okóm kdê yó kem tau mò sidek, yó kem tau kmogol du angat gotu hfatayen lu.

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Kem Lingón 84:7

Bè yóm igò le mógów, sónmoen temnù kgis le efet ton le Dwata bè yóm kun bulul bè Sayun yóm Dwata hol dandónen geta bè kdéen dwata.

Kem Lingón 84:5

Hligal yó kem tau ke béléem gónón lemwót yóm kgis le. Lu se yó kem tau alì nô bè nawa le mógów ebè bulul Sayun.

Kul Nmò 13:10

“Tauhi Seitan nim uu. Hohonem yó kem kdéen hyu. Són nô bè nawahem yóm ksukatem kem tau. Deng mom henkéngem yóm hol ktahuhen lemwót bè Dwata.

Deng Hegfan 15:3

Ne gotu le semngal. Sngal le yóm tehe kun sngal Musis, yóm sotu tóbóng lówó Dwata ekni. Bud yó snéen kun sngal yóm Ngà Ubiha. Yó sngal le, monen, “Ó Dwata, yóm gónó mogot bè klamangen, laen dù là gbekem du, ne tey kehtaw me du yóm gel nmoem. Uu se yóm hol geta mogot yóm klamangen, ne sal hyu yóm gel nmoem, hono tedeng.

Kem Udél Hlalak Tehe Selumun 16:21

Gel mon le tau hulung milô yóm tau hulung hedem ne lemwót bè khulungen hemtilob kudélen gónón gbóy tau.

Jirimaya 29:12

Bè yó kem kdaw yó ke mni ye béléu, hnungolu yu.

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Sikaraya 10:6

Yó kem tau Juda, angat ten-gelu lu, ne lenwau yó kem tau Israél. Lemwót bè yóm kkoduhu kul, bud hen-guléku klowil le, hol lómón ke tehe là kenbéu kul. Yakà ou du yóm sana kul Dwata hol gónó mogot, angat bnalau yó kem hni le.