Husiya 14:6 - Udél Dwata: Gna Kesfasad ne Lomi Kesfasad

⁶ Wen tey tubeden hlós lemnok. Angat tey tilob, lómón ktilob yó kem koyu ulib. Dalang se yó kem boo le, lómón ktilob boo yóm koyu sidar bè Libanun.

Husiya 14:6 Referans Kwoze

Kem Lingón 52:8

Okóm dou, hol lómón ke ou yóm koyu ulib tmowok bè Gónô Dwata. Laen dù sónen yóm tendo ksaligu yóm kbong nawa Dwata là monolen.

Flipay 4:18

Duhen yó, ni sii mò lesibuhen yóm kdê deng blay ye do, botong wen lukasen béléu lemwót bè yóm blay ye do yó. Laen kô dù hendeenu ni kmoen ni lemwót bè yóm blay ye dou hlan ye bè Ipafruditus. Ni kem blay ye dou ni, hol lómón yóm gel dsù le alì minggel boohen gel blay le ebè Dwata, yóm dsù gel henmóyóen, ne yóm gónón gel hyu nawahen.

Kun Snulat Jan 15:1

Bud mon Jisas, “Lómón ke ou yóm hol tahu hulu, ne Mà yóm fen semgyok du.

Matyu 13:31

Ne bud wen sotu hningón Jisas bélê le, monen, “Yóm kogot Dwata tau, hol lómón yóm lem hulu deng hulu yóm sotu tau bè tnibahen,

Kem Lingón 128:3

Yóm tuha libunem, lómón ke hulu alì mungu mteg bè lósólem. Yó kem ngaem logi myón hilol lemisahem, hol lómón ke koyu ulib tilob ktowok le.

Tekang Kbuten 27:27

Bè yóm igoen hloni ebè maen na a melek du, gungef Isak boo yóm nes leseken ne yó gónón molu du, monen, “Yóm tey klinggel boo yóm ngau, hol lómón ke boo yóm tonok deng tnóbóng Dwata.

Kem Lingón 92:12

Okóm kul yó kem tau mimón ke Dwata, tey hyu klowil le hol lómón ke lefò tey tilob ktowoken. Ne tey kbegel le, hol lómón kbegel yóm koyu sidar bè Libanun.

Isaya 27:6

Angat wen kdawen tey kdolil le yó kem tau Israél, yó kem tau semfu gu bè tehe Jakub. Hol lómón tô le koyu, tey kbulók le efet lengeben klamangen benwu yó kem bungu le. Là gomongen bè nili yóm bérs 7 kól bè 13. Bè bérs 7 wen snólók Isaya. Yó snólóken, “Deng tnafak Dwata kô Israél mkél bè yóm ktafaken yó kem hohon le? Là, olon tmafak kul néen yó kem tau Israél, mò olob yó kem salà le, okóm bè yó kem hohon le gotu genlaen lu kul.” Ne angat kól yóm kdawen bud nwit Dwata lu semfulék ebè Jirusalim yó kem kun tau deng negef ebè Asirya ne ebè Idyip, angat le bud tmaba ebè Dwata ditu bè kun bulul.

Isaya 35:2

Hol lómón ke tódô hligal semngal ne mensag yóm benwu yó. Lómón angat ktiloben, lómón ktilob yó kem bulul bè Libanun. Yóm kehyu yóm tonoken hol lómón yóm kehyu yóm tonok bè Karmél ne Syaron. Tódô kdéen tau gotu mton du yóm tey klinggel Dwata ne yóm kegetahen ne yóm kfasangen.

Husiya 6:3

Tey hyu dé ke hol tngón tekuy Dwata. Henlel tekuy hloni ebéléen anì hol tngón tekuy. Ke yó nmò tekuy, angat dohò yóm kehegfanen bélê tekuy lómón kdohò kebtù mata kdaw ke hlafus ne lómón kdohò yóm kulón bè bulón mò hulu.”