Husiya 14:4 - Udél Dwata: Gna Kesfasad ne Lomi Kesfasad

⁴ Yó udél yóm sana Dwata hol gónó mogot, monen, “Lemwót bè yóm deng kehegsel le, angat kóhu bè yó kem dou tau yóm nawa kmogol do. Hotuhu nawahu kembong nawa kul abay se là bud lenbutu kul ne.

Husiya 14:4 Referans Kwoze

Isaya 57:18

Deng gotu tonu yó kem nmò le, okóm angat kóhu bélê le yó kem salà le. Nalaku lu ne tnóbóngu lu ne henyuhu nawa yó kem langag.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Sifanaya 3:17

Yakà dengen nô bélê ye yóm sana kuy Dwata hol gónó mogot. Tey wen kfasangen lemwà kuy bè yó kem hohon ye. Tey angat kehligalen bélê ye. Lemwót bè kbong nawahen kuy, gotu kóhen bélê ye yóm dê knikò ye. Lemwót bè yóm tey kligalen bélê ye gónón tódô hewót semngal.

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Jirimaya 3:22

“Ó kem ngà là mimón,” mon Dwata, “semfulék ye ebéléu dé anì kóhu bélê ye yóm nawa là mimón nô lem but blutut ye.” Ne yó balà le ke Dwata yó kem tau, mon le, “Tahu se, mulék me ebéléem ne ni, yakà uu du yóm kum Dwata hol gónó mogot.

Jirimaya 14:7

Yó udél Jirimaya, monen, “Balù yóm tey kegsalà me, Dwata, nam na hol bud tnóbóng mi anì ton yó kem tólóng tau hmilol kum mò gónó le madat kóm. Deng tey dê dulék me kmogol kóm. Deng me gemsalà béléem.

Taytus 3:4

Okóm deng gfan bélê tekuy yóm kun kganag nawa Dwata ne yóm kun kbong nawa tekuy, yó gónón lemwà tekuy gu lem hatay.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

Ifisus 1:6

Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

Sulat Pol Ebè Yó Kem Tau Hemtahu Bè Rom 3:24

Okóm tódô lemwót bè yóm tey któbóng Dwata tekuy, yóm tóbóng là dog bnayad du, yó gónón tedeng ktonen tekuy hlanen bè Krays Jisas, yóm deng lemwà tekuy gu lem salà.

Husiya 11:7

Yó gónó le gemfà du yó kem yó abay se deng tahu nawa le kmogol do yó kem tauhu. Baluen ke bud le htóbóng béléu, ou yóm Hol Dandónen Geta, là kô bud kenmónu kul.

Jirimaya 33:6

Okóm angat wen he kdawu, bud temlob du yó kem deng gbà bè Jirusalim ne bud henyuhu klówó yó kem tauhen. Ne bud hefeneku ke benwu le ne laen kô dù bud hemen le yó kem tau nô lemen.

Jirimaya 17:14

Ó Dwata, kóhem dou yóm blat nô tahu anì bud hyu kegnómu du. Lenwaem ou anì laen dù hemenu. Tek són uu yóm dóyónu.

Jirimaya 8:22

Laen dù bud bulung kô ditu bè benwu Gilyad? Laen dù bud tau mulung bè yó kô? Moen se ke laen dù hkó du yó kem halì yó kem tauhu?”

Kem Lingón 78:38

Okóm balù yó he, tey kkodu Dwata kul, hnifóten salà le, ne là kô genlaen kul. Tey dê duléken ne mafas du yóm kebuten kul, là hesuten du yóm alì sidek kebuten kul.

Lista 25:11

“Lemwót bè yóm nmò Finihas, yó gónóhu là bud lembut kul ne yó kem tau Israél. Tey sidek kekbéen du se kun ke wen dumu dwata kéng hentahu yó kem tau. Lemwót bè yóm nmoen yó, yó gónóhu là hemsulék gemlà kul yó kem tau Israél mlan bè yóm tey sidek kebutu kul.

Lista 25:4

Yó gónón mon du mò ke Musis, “Gotu sentifunem lu yó kem tau mit kem dumu le mò sidek yó. Ne lemwót bè yóm kimón ye do, gotu hnatay ye lu kemdaw ni anì kdéen tau gotu mton kul. Ke yó se nmò ye, là bud lenbutu kul ne yó kem tau Israél.”

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

Isaya 55:1

Yó udél Dwata, monen, “Ó kem tau meeng, géhél ye edini ne ni wen él mò ninum ye. Ó kem tau laen dù filak le, géhél ye edini ne ni wen mò ken ye. Géhél ye edini ne ni wen mò ninum ye. Là heblihu du kuy nim ni.

Jirimaya 31:20

Yó bud udél Dwata, monen, “Ó Israél, uu se yóm ngà kenbong nawahu yóm hol gónón nô nawahu. Là gbeku du ke là tehe tnafaku kóm, okóm là kô kó nawahu kóm. Són uu yóm tendo nô bè nawahu ne tey kkoduhu kóm.

Isikél 33:14

Sotuhen, mò kmoen se ke eles tulónu yóm tau mò sidek yóm angat katayen, okóm kogolen bè yó tenfloken yóm kmoen sidek ne tendo gel nmoen yóm tedeng ne yóm hyu,

Isikél 36:36

Yó gónóm mon, yó kem tólóng benwu hmilol wen dù tauhen, angat tngón le ou se yóm sana Dwata hol gónó mogot bud hetlob du yó kem syudad deng gbà, ne bud wen htowoku bè yóm benwu tehe là hyu menwu du. Ou se yóm sana Dwata hol gónó mogot fmasad du nim ni ne angat nmou yóm deng monu.

Kem Lingón 10:14

Okóm, Dwata, deng tonem se yóm alì kehlayam le tau ne yóm alì kehsidek le kul. Deng eles hendemem ne yóm ktafakem kul. Són uu snalig yó kem tau laen dù gmò le. Uu se gel tmóbóng yó kem ngà hikit.

Kem Lingón 20:8

Yó kem tau yó koni, angat le mom tlokob du ne masà du yóm tô snalig le. Okóm kum, là kô me na a masà, mbegel kdà me.

Husiya 2:19

Ó Israél, uu se nmou mò yehenu laen kô dù tul sónen. Nmou bélê ye yóm hono tedeng, mung du yóm kbong nawahu kuy ne yóm kkoduhu kuy.