Husiya 14:3 - Udél Dwata: Gna Kesfasad ne Lomi Kesfasad

³ Là kô gbek Asirya lemwà kum, dalang se yó kem kudà gel snakay me bè gida, là gbek le lemwà kum. Yó kem dwata lennged tehe gel nmò me, là kô bud bnoluy me kul dwata me. Là ne, abay se tek són uu, Dwata, tendo gel kmodu kul yó kem ngà hikit.”

Husiya 14:3 Referans Kwoze

Kem Lingón 68:5

Du se mà yó kem ngà hikit, ne du se gel mofin yó kem libun bolu. Yó se yóm kun kmò Dwata, tey mólós yóm gónóhen nô.

Kem Lingón 10:14

Okóm, Dwata, deng tonem se yóm alì kehlayam le tau ne yóm alì kehsidek le kul. Deng eles hendemem ne yóm ktafakem kul. Són uu snalig yó kem tau laen dù gmò le. Uu se gel tmóbóng yó kem ngà hikit.

Husiya 14:8

Ó Israél, hol ye hlayuk bè yó kem dwata kéng. Ou se yóm tendo tmanud kuy ne semgifà kuy. Hol lómón ke ou yóm koyu senflósen lemnaw dounen. Ne senflósu bemlay kuy yó kem tey bunguhen.”

Husiya 5:13

Bè yóm kton kem tau Israél du yóm alì kwen des le ne ton yó kem tau bè Juda yóm alì kwen halì le, lemwót Israél mógów ebè benwu Asirya ebè yóm tau hol geta bè yó tô htóbóng béléen. Okóm laen se bang tóbóngen mò bulungen kul.

Husiya 2:17

Là bud htóngu du bè sumóng ye ne yó kem kun boluy Baal ne là se bud bnoluy ye kul ne.

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

Isaya 30:16

Mom yó atul ye smakay ye kudà alì mlóy anì gehlóy ye yó kem hohon ye. Ne tahu se, gehlóy ye yó kem hohon ye. Ofo kuy mon du ke alì mlóy yóm kuy kudà snakay, anì monem là. Mom yó he kem tau kemtes kuy yóm alì metlasik klóy kudà le.

Kem Lingón 33:17

Là kô yó du gónó le gemmò ke bè yó kem kudà nit le sgida. Balù yóm tey kekgis le, là kô le gewà du.

Kun Snulat Jan 14:18

Bè yóm kógówu ni, là kô tódô bayau kuy. Angate bud semfulék ebélê ye.

Isikél 37:23

Là bud nmò le du yóm là mólósen ke tmaba le ebè yó kem dwata kéng ne ke nmò le yó kem dumu sidek tehe gel nmò le, yakà angat lenwau kul bè yóm gónó le gel teklé. Nolobu lu. Omin le yó he baling mò dou tau ne ou se mò kul Dwata.

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Isaya 36:8

Ni wen hmóyóu kuy hlanu bè boluy yóm tau hol geta bélê me. Angat benlayu yu lewu libu kudà ke wen lewu libu tau ye hulung smakay kul. Neet he.

Isaya 31:3

Là kô le Dwata yó kem tau Idyip snalig le, olo le tau tonok. Yó kem kudà le laen dù tulus le, senged le bè kem dumu kudà snéen. Ke tnafak Dwata yó kem alì kemgis yó, gotu le meglà. Ne yó kem tau tô tnóbóng le gotu le gomong meglà ne matay se kul.

Isaya 30:2

Tódô le htóbóng bè Idyip, là dog le gna smólók béléu. Kóyô le ke Idyip fen mofin kul, yó gónó le smalig du yóm tau hol geta bè yó.

Isaya 2:20

Bè yóm kdaw yó, tódô gotu bot le yó kem dwata lennged lenbù nmò le gu bè tahu blówón ne bè blówón bukay. Tódô gbayà bè yó kem ungé ne bè yó kem kebeg.

Isaya 1:29

Angat tey sidek khuli sel ye lemwót bè yóm gel ktaba ye bè yó kem koyu ne lemwót bè yóm dê hulu ye hilolen deng hetfing ye bè yó kem dwata kéng gel tnaba ye.

Kem Lingón 146:9

Bud nofinen lu snéen yó kem tólóng tau menwu lem blóng tekuy. Tendo tnóbóngen yó kem libun bolu ne yó kem ngà hikit. Okóm yó kem tau gel mò sidek, fen hensideken kógów klowil le.

Kem Lingón 146:3

Hol béem ken-gel nawa yó kem tau mogot benwu. Laen dù bélê le ke gembek lemwà kóm.

2 Tutul Israél 16:7

Bè yóm kdaw yó, lemwót Hanani yóm tau gel wen hton Dwata du, mógów ebè Asa yóm tau hol geta bè benwu Juda, ne monen mò du, “Lemwót bè yóm ksaligem yóm tau hol geta bè benwu Aram, ne là dog snaligem du yóm sana kóm Dwata hol gónó mogot, deng le gotu mdó bè benwuhem yó kem sendalù Israél tô blay Dwata elem hólólem.

Dwata 17:16

Yóm tau nélék ye, hyu ke là hwenen du kem kudaen mò snakay yó kem sendaluen ne là se hyuhen ke wen tau hógówen mò na a bemli kudà bè Idyip, abay se deng tehe mon Dwata mò kuy hol bê ye abay bud mulék ebè Idyip.

Sikaraya 13:2

Ne bud bè yóm kdaw yó, angat gotu hlanahu bè benwu Israél yóm kdéen dwata kéng gel tnaba le, anì laen dù bud hemtulón nawa kul balù boluy le. Gotu kóhu snéen yóm kdéen tmugod bè dwata kéng ne yó kem tulus sidek gel lolò le.

Husiya 4:12

Deng le mom smólók bè yó kem dwata lennged nmò le bè koyu, mò tmulón du kul yóm tô nmò le. Ofo kul mon du ke gbek yóm koyu tmulón du kul yóm angat kmoen elem hulin kdaw. Mlan bè kehdeen le yó kem dwata kéng gónó le deng mom tlas. Hol le mkél bè yóm libun hdóyón abay se deng le mung bè yó kem dwata kéng ne deng knogol le yóm sana kul Dwata.

Husiya 13:2

Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”

Juna 2:10

Bè yóm tehe kni Juna yó, tódô dók Dwata yóm utón hemlo du anì nan e lewak bè kilil mohin. Ne tahu se, tódô lewaken Juna.