Husiya 14:1 - Udél Dwata: Gna Kesfasad ne Lomi Kesfasad

¹ Ó kem tau Israél, géhél ye bud semfulék ebè yóm sana kuy Dwata hol gónó mogot, yakà deng ye gotu meglà lemwót bè yó kem salà ye.

Husiya 14:1 Referans Kwoze

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Jirimaya 4:1

Yó udélen ebélê ye yóm sana kuy Dwata hol gónó mogot, monen, “Semfulék ye ebéléu, kem tau Israél. Ke gotu bot ye lu yó kem dwata kéng lenbù nmò alì kenbéu ne ke là bud lolò ye kul

Husiya 13:9

Ó kem tau Israél, móyón genlau yu ne. Tau du de tô gembek tmóbóng kuy?

Husiya 5:5

Yó deng temksì kul yó kem tau Israél, duhen yóm alì keheklabak le. Gotu le tlokob lemwót bè keblat yó kem salà nbô le. Balù Juda, angat mung tlokob bélê le.

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Isaya 19:22

Tahu se, angat tnafak Dwata yó kem tau Idyip, okóm kogolen bè yó bud tnóbóngen lu. Ne beklil le ebè Dwata ne hnungol Dwata se yó kem hni le ne tnóbóngen lu.

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Isikél 33:14

Sotuhen, mò kmoen se ke eles tulónu yóm tau mò sidek yóm angat katayen, okóm kogolen bè yó tenfloken yóm kmoen sidek ne tendo gel nmoen yóm tedeng ne yóm hyu,

Husiya 4:8

Yó gónó le gel ma ken le yó kem tau gel blóng ebéléu ke sok le gemsalà yó kem tau abay se gel le mit ebélê le yóm dsù mò hkó salà le. Yó gónóm mon tey le hligal yó kem tau gel blóng ebéléu ke gemsalà yó kem tau.

Amus 1:13

Yó bud udél yóm sana Dwata hol gónó mogot, monen, “Deng tendo sensulit le mò sidek yó kem tau bè Amun, là gbeku du ke là tnafaku kul. Bè yóm kundug le ebè benwu Gilyad anì hlamang le yóm són tonok le, mom gotu snifal tnibó le yó kem libun mlutut bè yó.