Husiya 13:9 - Udél Dwata: Gna Kesfasad ne Lomi Kesfasad

⁹ Ó kem tau Israél, móyón genlau yu ne. Tau du de tô gembek tmóbóng kuy?

Husiya 13:9 Referans Kwoze

Jirimaya 2:17

Ó kem tau Israél, yóm glumfak ye ni lemwót bè yóm ktagak ye dou yóm sana kuy Dwata hol gónó mogot, igou malak kuy bè yóm lan hyu.

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Dwata 33:26

Ó kem tau Israél, laen dù dumu dwata mkél bè yóm kuy Dwata. Bè yóm gel któbóngen kuy, tódô kendel lemwót gu ditu bè longit mung bè lobun.

Husiya 14:1

Ó kem tau Israél, géhél ye bud semfulék ebè yóm sana kuy Dwata hol gónó mogot, yakà deng ye gotu meglà lemwót bè yó kem salà ye.

Malakay 1:9

“Duhen ni, kem tau mò blóng ebéléu, tilów ye hkodu béléu nénég ke knoduhu yu. Ke lómón yó yóm gel blay ye do, henmóyóu yu kô? Là kô naw e henmóyô kuy,” udél yóm Dwata laen dù là gbeken du.

Husiya 13:4

“Ou se yóm sana kuy Dwata hol gónó mogot, yóm deng tehe lemwà kuy gu bè Idyip yóm benwu tehe gónó ye ghesek. Laen dù dumu Dwata ye, tek sónen o. Laen dù dumu lemwà kuy, tek sónen o.

Kem Udél Hlalak Tehe Selumun 8:36

Okóm yóm tau là tonen do hensideken knóen. Kdê yó kem kembê do kenbong nawa le yóm hatay.” Ni se koni yó kem udél yóm khulung hedem.

Kem Udél Hlalak Tehe Selumun 6:32

Okóm yóm tau mò samuk bè tuha libun dumu tau lómón ke laen dù ledemen. Yóm tau mò du nim ni heglaen knóen.

Kem Lingón 146:5

Hligal kun yóm tau ke tnóbóng Dwata yóm Dwata tehe Jakub. Hligal yóm tau ke genléd nawahen Dwata yóm Dwata gónóhen mogot.

Kem Lingón 46:1

Són Dwata yóm gónó tekuy e mlo, ne béléen gónón lemwót yóm kgis tekuy. Anien ke wen gfà sut bélê tekuy, eles nô bè yó se kun mò tmóbóng kut.

Kem Lingón 33:20

Tek són Dwata yóm hol nefet nawa tekuy. Són du gónó tekuy gel heklung ne gónó tekuy gel htóbóng.

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Malakay 1:12

“Okóm kuy, kem tau Israél, tey tólóng. Gfan bè yóm dsù ye yóm là kadat ye do. Yóm kwit ye yóm dsù là knóónen béléu, yó se gónón gfan yóm là kebtesen bélê ye yóm dou gónó demsù.

Malakay 1:13

Yó gel mon ye, ‘Tey mgel bélê me lemolò du yóm dê hlolò Dwata ni,’ ne deng ye meklit lemolò yóm dou hlau,” udél yóm Dwata laen dù là gbeken du. “Ngem, deng mom dsù ye ebéléu yóm ógóf hennagaw ne ógóf tugô ne ógóf wen desen. Henmóyóu kô yóm ógóf lómónen yó? Là kô naw e henmóyô du,” mon Dwata.