Husiya 13:8 - Udél Dwata: Gna Kesfasad ne Lomi Kesfasad

⁸ Lómón kmò ksék yóm bér ke nwa le béléen kem ngaen, lómón yó se kséku kuy. Naw gotu somok yu lómón ksomok liyun sok bitil.

Husiya 13:8 Referans Kwoze

2 Samwél 17:8

Yó bud udél Husay, monen, “Tngónem se yóm maem ne yó kem sendaluen, hono le tau hulung mit sfatay, ne tey le tolo lembut he ni, lómón kebut bér ke wen ma du béléen kem ngaen. Lelen yó he yóm maem hol sendalù deng layam bè sfatay, ne là kóen na a mung tungô bè yó kem sendaluen ke kifu.

Kem Udél Hlalak Tehe Selumun 17:12

Mom hyu he gemslong yóm sotu kay ógóf alì sidek klóbóen boluyen bér, olo yóm gemslong tau book tolo lelen mò kbooken.

Kem Lingón 80:13

Yó kem sdô lem bnes, gotu senwól le. Ne gotu le mowil bè yó, yó kem dumu ógóf lem bnes.

Kem Lingón 50:22

Ni mò hendem ye, yu kem tau là bud hemdem dou. Ke là hnungol ye dou, gotu nséku yu, ne laen dù bud lemwà kuy.

Husiya 2:12

Angat gotu hensideku yó kem gónóhen gel mulu grép ne gónón mulu fig, yóm gel monen bayad le du yó kem hemdóyón du. Angat gotu henbalingu bnes mget yóm kdéen ne són kem ógóf lóbô lem bnes mótób du.

Husiya 5:14

Angat gotu nmou bè yó kem tau Israél ne yó kem tau bè Juda yóm gel nmò liyun. Ou se tódô msék kul. Sok dyolu lu mayuk, laen kô gembek lemwà kul.