Husiya 13:7 - Udél Dwata: Gna Kesfasad ne Lomi Kesfasad

⁷ Duhen yó, angat gotu kenfóu yu, hol lómón kekfô yóm liyun dun ke lipard, yóm tendo lemfen hmékét gu bak lan.

Husiya 13:7 Referans Kwoze

Husiya 5:14

Angat gotu nmou bè yó kem tau Israél ne yó kem tau bè Juda yóm gel nmò liyun. Ou se tódô msék kul. Sok dyolu lu mayuk, laen kô gembek lemwà kul.

Amus 3:8

Ke mngel yóm liyun, tau du de tô là likoen? Ke mudél yóm Dwata hol dandónen geta, tau du se là tmugod du yóm udélen?

Amus 3:4

Gel mngel gu lem dlag kô yóm liyun ke là deng tonen du yóm kenfóen? Ne yóm ngà liyun, gbeken mngaw lem solen kô ke là deng wen kenfóen?

Amus 1:2

Ni se kmò ktulón Amus du yóm deng tonen ne yóm deng gungolen, monen, “Yóm udél Dwata gu lem yóm Gónóen bè Bulul Sayun, hol lómón ke ngel liyun ne hol lómón ke lemték lemwót gu bè Jirusalim. Bè yóm kudélen yó tódô baling mékéng yó kem gónó gel hótób ubiha ne gotu menes yó kem bnes ta bulul Karmél.”

Isaya 42:13

Yóm Dwata, hol lómón yóm sendalù deng eles htigel, módód ebè gida. Ke ston bè kem hohonen, tódô hentéen lu ne mensag, hegfanen bélê le yóm tey kfasangen.

Deng Hegfan 13:2

Yóm ktonu du nim ógóf lóbô ni, kbongen yóm sotu ógóf lóbô lem bnes boluyen lipard. Okóm yóm tihen, lómón ke ti bér, yóm sotu ógóf lóbô lem bnes. Yóm sumóngen, lómón sumóng liyun. Yó nmò yóm swaga nô bè kilil mohin yó koni, gotu blayen yóm kun kfasang ne yóm tey kwalisen mogot benwu bè yóm sotu ógóf lóbô lomi hesut gu lem mohin.