Husiya 13:6 - Udél Dwata: Gna Kesfasad ne Lomi Kesfasad

⁶ Okóm timbow ye deng gusek bè yóm tey tonok hyu ne deng wen ken ye ne deng ye bsow, deng ye mom baling hegmón, deng mom klifót ye o.

Husiya 13:6 Referans Kwoze

Kem Lingón 10:4

Lemwót bè yóm alì kehegmón le, là kô le móyô mebel ke Dwata. Yó hendem le, “Laen kô dù Dwata.”

Nihimaya 9:35

Balù bè yóm kdaw tehe kogot le yóm kul benwu, tey kehyu nawa le du yóm tey tonok hyu lelen lamang deng blayem kul. Ewenem yó, là kô dog nmò le du yóm kóm kóyô ne là kô knogol le du yó kem sidek nmò le.

Dwata 32:18

Botong klifót le yóm kul Dwata yóm mà le, yóm là monol nawahen ebélê le, yóm deng hlowil kul.

Husiya 2:13

Angat tnafaku bè yóm deng kehtulahen do lanen gel mtem insinsu ebè Baal ne gel leketen yó kem ngom blówónen, ominen mebel kem logi hemdóyón du,” udél yóm sana Dwata hol gónó mogot.

Kem Udél Hlalak Tehe Selumun 30:9

Déke alì wen gónóhu ma ne mom knogolu u ne monu laen dù muhu kóm. Senged se ke éléle déke gnagawe ne henyaku u Dwata.”

Husiya 2:7

Ke sok tô bud mlóy kemtes yó kem logi tehe gónóhen mung, là kô bud gafiten kul. Tey tô kebelen kul, okóm là bud tonen kul. Ominen angat mon du, ‘Tumù nawaw bud mulék ebè tum sana dou yehen abay se hyu klowilu bè yóm kdaw yó, olo yóm kmou ni.’

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Husiya 4:7

Ke henwenen temnù kwen yó kem tau gel semblóng tau ebéléu, henwenen se temnù yóm tendo kegsalà le béléu. Yóm tehe kegdóyón ye bè yóm klolò ye do, deng mom tles ye du yóm kyak ye lan ye lemolò yó kem dwata kéng.

Husiya 5:14

Angat gotu nmou bè yó kem tau Israél ne yó kem tau bè Juda yóm gel nmò liyun. Ou se tódô msék kul. Sok dyolu lu mayuk, laen kô gembek lemwà kul.