Husiya 13:5 - Udél Dwata: Gna Kesfasad ne Lomi Kesfasad

⁵ Tehe tey kesgifau kuy lem yóm benwu là hyu menwu du, benwu alì mékéng.

Husiya 13:5 Referans Kwoze

Dwata 32:10

Tehe tonen lu bè yóm benwu laen hol wen tauhen, yóm benwu balù udì ke wen mowil du. Són luk lenos gungolem bè yó. Bede yó nmò Dwata, kenlungen yó kem kun tau ne sen-gyoken lu. Lómó kesgifaen kul lómón ke kimu alì mebtes béléen.

Dwata 8:15

Bê ye abay klifót yóm tehe kalaken kuy lem yóm tey benwu alì knikò là hyu menwu du, benwu gónón nô yó kem ulal alì malas ne kem syufón. Bè yóm tonok mékéng laen dù élen yó, tódô wen él hesuten bélê ye bè yó gu lem yóm tey botu.

Glasya 4:9

Okóm ni, deng tngón ye Dwata, o, monu dé, deng tngón Dwata yu. Ke lómón se ni kmoen, moen se ke bud ye ghesek bè yó kem dê hlolò le kuy lem nim benwu ni? Igoen laen dù kgis le tmóbóng kuy yó kem yó, balù udì.

Nahum 1:7

Tey hyu yóm Dwata. Ke wen hlayam sut, tek sónen du yóm gónó e mlo alì mbegel. Gotu nofinen yó kem tau smalig béléen.

Kem Lingón 142:3

Bè yóm gónóhu là bud gbala, tódô tngón Dwata yóm lan mò lolou. Bè ket tô lanu, wen sù le du yó kem hohonu mò tô alu le dou.

Kem Lingón 63:1

Ó Dwata, uu se yóm hol dou Dwata, tey khahuu kóm. Tey kesgalu nawahu kóm. Hol lómó kegnómu du, hol lómón yóm tonok mékéng là buden hyu, balù udì ke méfê. Hol lómón yó se kegnómu du bè yóm khahuu kóm.

Kehewà 2:25

Tonen yóm tey keghesek yó kem tau Israél ne yó hol gónón nô bè nawahen yóm któbóngen kul.

1 Kurin 8:3

Okóm ke bong nawahen ke Dwata yóm tau, yó se yóm tau hol dilô Dwata.

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Jirimaya 2:2

“Lemwóti ne, hol heglalagem bè kdéen tau lem Jirusalim, monem mò kul, ‘Ni se udélen ebélê ye yóm sana Dwata hol gónó mogot, monen, Gtulón nawaw yóm tey tehe kteneb ye béléu bè yóm hanà klomi ye tau. Tey kbong nawa ye dou, lómón yóm libun lomi myehen, tey kbong nawahen yóm tuha logihen. Balù elem yóm benwu là hyu menwu du, yóm benwu balù udì ke wen mowil du, ewenem sana klolò ye dou.

Kem Lingón 31:7

Lemwót bè yóm là konolen yóm kbong nawam dou gónóhu alì hligal, abay se deng tonem yóm alì keglayamu, ne deng gnómem yóm gónón lebà nawaw.

Kem Lingón 1:6

Bong yó kem tau tedeng kmò le, tendo gel sen-galak Dwata lu ne nofinen lu. Bede yó kem tau gel mò sidek, deng le golu elem hatay ne.

Tekang Kbuten 31:40

Dê duléku ne gmumfak du yóm tey ékét nóng kdaw ne yóm tey ketnawen ke kifu, là kóen gel mdengen ktungóu.

Husiya 5:3

Ó kem tau Israél, gotu tngónu yóm kmò ye laen dù gebnos béléu. Deng ye mkél bè yóm libun hdóyón tnagaken yehenen. Deng ye gholu ne kem tau Israél.