Husiya 13:2 - Udél Dwata: Gna Kesfasad ne Lomi Kesfasad

² Tódô senflós le mò salà bè yóm gel kmò le dwata kéng lemwót bè blówón bukay mò gónó le tmaba dwata nmò le lemwót bè kehedem tau ne nmò tdok tau. Yó udél le, “Demsù ye ebélê le ne nelek ye lu ni kem safì lennged ni.”

Husiya 13:2 Referans Kwoze

Husiya 2:8

Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.

Isaya 46:6

Wen se yó kem tau tódô hmò le yóm kul dwata. Kok le yóm sning gónó le hemsù filak tahu blówón le ne filak mgel le, omin le tmimbang yóm keblaten. Glok le mayad yóm tau hulung temwél mò temwél yóm dwata blówón. Timbow deng, omin le mtud bukol bè soluhen ne tmaba le ebéléen.

1 Bok Kem Tau Hol Geta 19:18

Okóm angat hlowilu yóm hitu libu kem tau bè Israél, yó kem tau là gel le mtud bukol bè Baal, ne là gel nelek le du.”

Jirimaya 10:4

Ne wen blówón bukay ne tahu blówón gel klóón le du. Omin le tmutuk du bè yóm gónó le hemsù du anì là btangen.

Sulat Pol Ebè Yó Kem Tau Hemtahu Bè Rom 11:4

Bnalà Dwata se, monen, “Deng wen hitu libu tau deng hetfingu mò dou tau. Là kô le tmaba ebè yóm dwata kéng boluyen Baal.”

2 Timuti 3:13

Yó kem tau deng solò kmò le sidek ne yó kem dumu tau sekban ktolok le, tódô hlós temnù ksidek nmò le. Snukat le kem dumu le, ne bud le gsukat se kul.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Husiya 11:6

Angat wen gida bong tódô sut lem yó kem syudad le ne angat gotu genbà kem hohon le yó kem bak tikeb yó kem syudad le, omin le gotu gemlà yó kem tau nô lemen, gotu nmoen sónen yó kem sidek atul le.

Isaya 46:8

Hentulón ye nawa yóm ni yu kem tau gemsalà. Tennef ye dé yó kem deng tehe nmou.

Isaya 45:20

Mon Dwata, “Gotu ye stifun dé, kdéen tau bè klamangen benwu, yó kem dù tau mowil bè yóm kegbà Babilun. Géhél ye edini nahu knukum yu. Yó kem tau mógów stodol, kem tau eles gel tayal le eta yó kem dwata koyu le, lel le gel tmaba ebè yó kem dwata là gbeken lemwà kul, laen kô dù tngón le yó kem tau mò du yóm yó.

Isaya 30:1

Ni se deng udél Dwata, monen, “Deng le gotu golu elem hatay ne yó kem tau malak bè Juda lemwót bè yóm kkogol le do. Tódô lolò le yóm atul là lemwóten béléu. Sundu dou kóyô du yóm gel senkotuk le bè dumu benwu. Lemwót bè yóm nmò le yó tendo temnù yóm salà deng gel nmò le.

Isaya 1:5

Moen de ke tendo gel knogol ye Dwata? Móyô ye bud tnafak kô? Tey kem tau Israél, bè ktonu kuy lómón ke deng tfeng halì kulu ye. Là buden hyu knawa ye ne kehedem ye.

Kem Lingón 2:12

bè yóm keheglaan ye béléen. Déke kendel msut lebuten, ngem kà tódô ye matay mekto. Tey kehligal le kul yó kem tau tendo gel hofin béléen.

1 Samwél 10:1

Omin Samwél ma yóm ngà sobuy gónón nô hnolo ulib ne twélen ta kulu Sol, henmung neleken ne monen, “Yó gónów mò du béléem nim ni abay se deng nélék Dwata uu mò malak yó kem tauhen Israél. Uu se mò lemwà kul lem tdok yó kem hohon le menwu hmilol kul. Wen ilô tonem kedeng mò gónóm temngón du yóm deng kélék Dwata kóm mò malak yó kem tauhen.

Lista 32:14

Ne ni, yu bud temles mò du yóm sidek tehe nmò yó kem tuha ye. Yu kem lomi tau nim kmoen ni, tô bud nmò ye yóm gónó Dwata bud lembut yó kem tau Israél.

Jirimaya 10:8

Yóm kdê le gel tmaba bè yó kem dwata lennged le hono nungel, tau laen dù tngón le. Tedu se dnalang le bè yó kem dwata koyu le?

Husiya 4:17

Deng le tahu gfét bè yó kem dwata kéng yó kem tau Israél. Tódô bayà ye lu ne, hol bê ye abay gbót bè yóm nmò le.

Husiya 14:3

Là kô gbek Asirya lemwà kum, dalang se yó kem kudà gel snakay me bè gida, là gbek le lemwà kum. Yó kem dwata lennged tehe gel nmò me, là kô bud bnoluy me kul dwata me. Là ne, abay se tek són uu, Dwata, tendo gel kmodu kul yó kem ngà hikit.”

Isaya 44:11

Ket tau hemtahu du yóm dwata kéng yó, angat tey sidek kyaken. Yó kem gel mò kul, hono kem tau tonok. Nit ye lu bè gónô skukum dé, nénég ye ke là sidek klikò le ne sidek kyak le.

Husiya 11:2

Okóm henlelu tmaba du, henlelen se kmogol do lanen demsù ebè yó kem lennged Baal ne mtem insinsu ebè yó kem dumu dwata lennged.