Husiya 13:16 - Udél Dwata: Gna Kesfasad ne Lomi Kesfasad

¹⁶ Yó kem tau bè Samarya angat gotu bud nuta le yóm kdê sidek deng nmò le lan le alì kmogol du yóm kul Dwata. Yó gfà le, angat gotu hnatay le lu yó kem sendalù husek bè benwu le, kkólen bè yó kem ngà lemnek angat le gotu matay lan le mbot kul te tonok. Ne kem libun mlutut bélê le, tódô gotu snifal tnibó le lu.”

Husiya 13:16 Referans Kwoze

Amus 1:13

Yó bud udél yóm sana Dwata hol gónó mogot, monen, “Deng tendo sensulit le mò sidek yó kem tau bè Amun, là gbeku du ke là tnafaku kul. Bè yóm kundug le ebè benwu Gilyad anì hlamang le yóm són tonok le, mom gotu snifal tnibó le yó kem libun mlutut bè yó.

Nahum 3:10

Ewenem sana kegbaen yóm benwu Tibis. Gotu negef le lu mayuk yó kem kdê tauhen. Kem ngà lemnek le gotu bot le lu te botu gu bak lan, hnatay le lu. Kem sendalù hohon le, gotu le mò atù ke mahil du bélê le gemwa du yó kem genlal gel nadat le bè yó kem sendalù Asirya mò hesek le. Kdê yó kem tuha gónó le gel galak yó kem tau Asirya, gotu nfét kem hohon le lu kedina.

Mika 1:4

Yó kem bulul gónón mlan yó, gotu le mnò laan tihen hol lómón ke tolu mnò lem ofi ne tódô molo ebè datal lómón ke él molo gu lem bulul.

Amus 9:1

Ominu mton ke Dwata mdà klohok yóm gónó demsù. Dóken ou, monen, “Hgel bnogulem ta yó kem hehek Gónóu anì kmingò yó kem tgelen. Lenusokem yó kem htegen anì tbó yóm ketefen eta kulu yó kem tau nô laanen. Ke wen dù tau mowil, gotu bud hfatayu lu bè gida. Balù sotu ke wen glóy bélê le, ne là se wen gewà.

Amus 3:9

Ni mò eles heglalag ye bè yó kem tau malak bè Idyip ne bè syudad Asdod, mon ye mò kul, “Hol ye stifun bè yó kem bulul bè Samarya, tenngel ye yóm tey kesbewegen bè yóm benwu yó ne yóm tey kmò le sidek lemen yó kem tau Israél bè yó.”

Husiya 11:6

Angat wen gida bong tódô sut lem yó kem syudad le ne angat gotu genbà kem hohon le yó kem bak tikeb yó kem syudad le, omin le gotu gemlà yó kem tau nô lemen, gotu nmoen sónen yó kem sidek atul le.

Isaya 8:4

Gu laanen là deng hulung tmaba ‘yê’ ne ‘mà’ yóm ngà ye, lemwót yóm tau hol geta bè Asirya gotu negefen yó kem kendengen yó kem tau bè Damaskus ne yó kem kendengen yó kem tau bè Samarya.”

2 Bok Kem Tau Hol Geta 17:18

Yó gónóm mon, yó se gónó Dwata alì lembut kul yó kem tau Israél, ne gónón hdó kul bè soluhen, laen kô dù tebel tek són yóm kun ktol Juda.

2 Bok Kem Tau Hol Geta 17:6

Bè yóm gesyómen halay mogot benwu Husiya, gled yóm tau hol geta bè Asirya yóm syudad Samarya, ne gotu negefen etu bè Asirya yó kem tau Israél. Suen lu bè Hala, moni bè kilil Él Habor bè Gusan. Lemwót yó kem dumu, suen lu lem blóng yó kem tau bè syudad Midya.

2 Bok Kem Tau Hol Geta 17:5

Ominen mundug ebè klamang Israél, ne botong tlu halayen kmamfù hilol yóm syudad Samarya.