Husiya 13:15 - Udél Dwata: Gna Kesfasad ne Lomi Kesfasad

¹⁵ Anien ke lómón klobung kluon yóm Israél, okóm angat hwitu ebélê le yóm lenos kinì gu bè yóm benwu là hyu menwu du fi gu dmata kdaw anì gotu kti yó kem tbul él ne yó kem kokol le. Angat gotu negef yó kem hohon le yó kem kimu mebtes deng henyu le.

Husiya 13:15 Referans Kwoze

Isikél 17:10

Baluen he ke wen bud mulu du, bud mowil kô? Là ne, tódô menes ke nayuf yóm lenos alì kinì lemwót fi dmata kdaw. Angat matay bè yó bè yóm tonok hyu tehe gónón minggel ktowoken.’ ”

Tekang Kbuten 49:22

Ne ke Jusif kun, hol lómón kmoen ke ngà kudà asnu lem bnes tô minum bè gónón wen tbul él.

Tekang Kbuten 41:52

Yó bud monen, “Deng benlay Dwata ou ngà bè nim benwu gónóhu glayam.” Ne yó gónón moluy du Ifraim yóm gewu ngaen.

Nahum 2:9

Gotu negef ye yó kem blówón bukay le. Gotu nuku ye yó kem tahu blówón le. Tey kmimu yóm benwu Ninibi là kô gabayem msó du yóm kbong kendengenen.

Husiya 4:19

Yó gónón gotu myuf kul yóm lenos bong alì kemgis. Angat tey sidek kyak le ke bud gbel bè nawa le yóm tehe gel kedsù le ebè yó kem dwata kéng.”

Jirimaya 20:5

Ne yóm kdê kendengen ye bè Jirusalim gotu hegefu yó kem hohon ye. Yóm kdê kendengen alì mebtes lem nim syudad ni, kem ngom yó kem tau hol geta bélê ye yóm wen botu sminang alì mebtes nô du, dalang se yóm tahu blówón ne blówón bukay le, gotu negef le lu ebè Babilun.

Isaya 41:16

Sotun, lómón ke tmeef halay kmò ye kul. Gotu sohul ye lu eta ne mung le holis bè lenos. Angat wen lenos bong gotu semkla kul. Angat ye hligal bè yóm kdaw yó abay se ou se kuy Dwata. Angat tey kdóyón ye dou, yóm kuy Dwata yó kem tau Israél, yóm Dwata laen kô dù belenen.

Isaya 14:21

Yake nbut le ni ne hmatay kul yó kem fes lówóhem yó. Yó kem ngaen logi yóm tau hol geta yó, angat le matay lemwót bè salà yó kem tehe fù le. Laen dù bélê le baling mogot benwu, duhen ke fen hemdà syudad.

Kem Lingón 109:13

Hol le gotu matay he yó kem sfuhen anì laen dù bud tau hemtulón nawa kul.

Kem Lingón 1:4

Okóm tólóng kul yó kem tau gel mò sidek. Yó gónó te e hmingón kul, hol lómón ke kafa halay, gotu le gmung holis bè lenos.

Dwata 33:17

Yóm Jusif, hol mkél bè kgis safì tudu. Yóm hangahen, mkél bè hanga yóm safì tudu alì mayal nô lem bnes. Kehlingónu du yóm hangahen yó, yó se yó kem hilu libu sfu Manasi, yóm ngaen twogu ne yó kem hilu folò libuhen sfu Ifraim, yóm ngaen twoli. Mlan bè yó kem hangahen yó, gotu snukóten yó kem dumu but benwu, gotu lohen lu efet kól bè són tonok.”

Tekang Kbuten 48:19

Okóm mom mon maen mò du, “Tngónu, Ngà, deng tngónu se yó. Angat tey mbegel snéen kun yóm kun ból Manasi okóm milud he kbegelen yóm twolihen. Yó kem angat semfu gu béléen baling le kem but tau alì mbegel.”

Tekang Kbuten 41:6

Ominen bud wen hitu kanguy halay tonen msut huli okóm hono kafa lemwót bè yóm tey lenos kinì gu dmata kdaw.

Husiya 2:3

Ke là mimónen, tódô gotu kóhu nesen anì tódô mógów laen dù nes lómón yóm hanà ksuten. Tódô tebelu anì heskélu bè yóm benwu là hyu menwu du yóm klowilen ne angat hlós matay bè kleengen.

Juna 4:8

Timbow deng malù tahà kdaw, hyuf Dwata gu fi dmata kdaw yóm tey lenos kinì eta Juna, botong kfuteng bà mon tey ékét kdaw mnóng etahen. Hol kóyô Juna ke matay. Yó monen, “Mom hyu nawaw tódô kem matay ne.”

Tekang Kbuten 41:23

Ominu bud mton hitu kanguy halay hesut huli bede hono kafa lemwót bè yóm tey lenos kinì gu dmata kdaw.