Husiya 13:14 - Udél Dwata: Gna Kesfasad ne Lomi Kesfasad

¹⁴ Sawang tô nsoku lu gu lem lebeng? Book. Sawang tô lenwau lu gu lem hatay? Là. Ó hatay, gotu heglumfakem kul yóm kdê hlayamem. Ó lebeng, hol hnikoem lu. Laen dù bud koduhu kul ne yó kem tau yó.

Husiya 13:14 Referans Kwoze

Isaya 25:8

Ne nmoen sónen yóm hatay yóm Dwata hol dandónen geta. Tódô gotu nifuhen lewok bè mata yóm kdê le ne gotu kóhen bè yó kem tauhen bè klamangen benwu yóm gónó le gel myak. Yó se hol kun udél yóm Dwata hol gónó mogot.

Deng Hegfan 21:4

Angat gotu nifuhen yóm lewok bè mata le. Laen kô dù bud tau matay ne, ne laen se dù bud knangag le, ne laen dù bud nkik le ne laen se dù bud tenduk le, yakà dengen gotu lana ne yóm gnan.”

Sulat Jim 1:17

Hono hyu yóm kdê deng blayen tekuy, balù udì ke wen gónón sidek. Yó se kun kmò Dwata, yóm deng dmimun kdê yó kem lemayag ton tekuy bè longit. Gel megetles ne mili yóm olung yó kem lemayag bè longit yó, okóm ke Dwata kun, là kóen na a mili, sana kem kun kehyu.

Isaya 26:19

Yó kem dumu me deng matay, angat wen kdaw le bud mowil. Bud le mulék bè sana lówó le. Kdê yó kem tau tolo nô lem lebeng le, tódô le bud mowil ne gotu le hligal semngal. Lómón yóm amù gel sminang hlafus gotu hlowilen yó kem hulu, hol lómón yó se angat nmò Dwata, angat bud hlowilen yó kem tau tehe matay là sekna.

Kem Lingón 49:15

Okóm béléu dou, angat lenwà Dwata ou, angat lenwaen ou lem hatay.

Kem Lingón 30:3

anì là hlóse elem lebeng. Deng bud hlowilem ou, Dwata, anì là hlóse elem hatay.

Job 33:24

lemwót bè yóm kkodu Dwata du yóm tau yó, yó udélen ebè yóm hógówen, monen, ‘Hol lenwaem yóm tau yó. Là hyuhen ke hlós elem hatay yakà deng wen tonu mò soken du yóm klowilen.’

Sulat Pol Ebè Yó Kem Tau Hemtahu Bè Rom 11:29

Yóm Dwata, sok wen tau néléken, ne sok wen tau tnóbóngen, deng duhen yó ne, là kô bud tenlesen du hendemen.

Kem Lingón 86:13

abay se tey kbong nawahem dou. Deng lenwaem ou gu lem hatay.

Kem Lingón 16:10

abay se tendo hensengem ebéléu yóm hatay. Lemwót bè yóm tendo gel kimónu kóm, là kô angat bayaem dou ebè yóm benwu yó kem tau deng matay.

1 Samwél 15:29

Hol knóón yóm kul Dwata yó kem tau Israél, là kóen mò kéng ne là gel tenlesen du hendemen abay se là mkélen bè tau tonok, gel megetles kehedemen.”

Deng Hegfan 20:13

Tódô kdéen tau tehe matay lem mohin, gotu le mdà bè yó. Ne yóm kdéen tau tehe nô bè yóm benwu gónó le nô yó kem tau deng matay, gotu le mdà bè yó snéen kul. Gotu knukum Dwata lu yóm kdê le lemwót bè yó kem tehe gel nmò le.

1 Tisalunika 4:14

Deng hentahu tekuy yóm deng katay Jisas, ne yóm deng bud klowilen. Yó gónó tekuy hemtahu du yóm angat klowil Dwata kul yó kem tau hemtahu bè Jisas deng tehe gna matay, ne gotu hmungen lu ke Jisas ke sok bud semfulék edini.

2 Kurin 5:4

Bè yóm igò tekuy tolo nô du nim slung tekuy ni, tey gel sidek kegnóm tekuy du. Sundu mon dé ke móyô tekuy kendel matay anì géhél mkó bélê tekuy nim lówó tekuy ni. Okóm yó dé hol kóyô tekuy ke géhél guta tekuy yóm lomi klowil ditu bè longit. Kóyô tekuy ke géhél tenlesen yóm lówó là buden matay yóm lówó mahil matay ni.

Sulat Pol Ebè Yó Kem Tau Hemtahu Bè Rom 11:15

Lemwót bè yóm kekbê Dwata kul, yó gónó le mit sefyu ebè Dwata yó kem tau là Ju le. Ke lómón yó, milud he yóm kehyuhen bélê ye sok le deng gotu bud semfulék ebè Dwata yó kem kun tau Ju. Hol lómó kegnóm tekuy du, lómón yóm tau deng mowil gu lem hatay.

Malakay 3:6

“Ou se yóm sana Dwata hol gónó mogot ne là kóen monol nawahu. Yó se gónó ye là deng sulék meglà yu kem sfu Jakub lemwót bè yóm là konol nawahu.

Husiya 6:2

Ke deng lewu duhen ke tlu kdaw, angat bud hnomihen tekuy anì hlós tekuy nô bè soluhen.

Kem Lingón 71:20

Deng tey kehlayamem dou, okóm angat bud hlowilem ou. Hol lómón ke bud hlowilem ou gu lem lebeng.

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Flipay 3:21

Bè yóm angat kesfuléken edini, tenlesen yóm lówó tekuy mahil matay nii, ne heskélen bè yóm kun lówó là matayen. Yóm kegbeken mò du nim ni, bud yó se yóm kegbeken mogot du yóm klamangen.

Jirimaya 15:6

Yu se yó kem tau deng kembê dou,” mon Dwata. “Deng knogol ye ou. Duhen ni, tayalu eta sigelu mò gemlà kuy. Denge tey tmakas ne hembala du yó kem sidek tendo gel nmò ye.

Deng Hegfan 6:8

Ne tahu se, tódô tonu se yóm kudà malù bulow mélél. Yó boluy yóm tau smakay tahen, Hatay. Ne wen tau eles huli du boluyen Hidis. Benlay le lu kwalis hmatay tau, botong gbut tau bè klamangen benwu gbek hnatay le. Yó kmò keglà le kul, hlan le bè gida, ne bè bitil bong, ne bè kem des, ne bè yó kem ógóf lóbô lem bnes.

Jirimaya 20:16

Hyu ke hol meglà yóm tau yó, lómón keglà yó kem tehe syudad gna, bà udì ke wen kkodu Dwata kul. Hyu ke hol sidek klikoen bè yóm angat kungolen uni yó kem tau sgida,

Jirimaya 31:35

Kaem Dwata se tehe mò du yóm kdaw mò mnóng ke kemdaw ne bud mò du yóm bulón ne yó kem blotik mò mnóng ke kifu. Du se alì hewók yóm mohin, yó gónón alì lemungkul. Yó boluyen, Dwata laen dù là gbeken du. Ne ni se udélen, monen,

Isikél 37:9

Omin Dwata mon du mò do, “Ó Tau Tonok, mudéli ebè lenos, monem, ‘Ó lenos, ni se udél yóm sana Dwata hol dandónen geta. Mbel ye edini gu bè yóm fat kem gónó ye gu mbel ne ye e myuf ebè ni kem lówó deng matay nii anì bud le mowil.’ ”

Kem Lingón 49:16

Béem nófô yóm sotu tau ke baling tau hol geta, ne ke senflósen temnù yóm kendengenen.